قصيده ابكت من لايبكي....
السلام عليكم ورحمة الله وبركاته
يواسيني وأنا الميت
قصيدة كتبها شاب عمل حادث سيارة و والدته كانت معاه وكان مسرعا
نتيجة هذا الحادث والدته توفيت نتيجة الإصابات الخطيرةوهو إصابته كانت خفيفة
و هذي الأبيات موجهها للي يواسونه
يواسينـي وانـا الميـت وحـالـي يجـبـر الدمـعـات
تسيل مـن الـذي فينـي ويبكـي وهـو يواسينـي
وانــا ابـكـي واتنـهـد وارســـم بـالـحـزن لـوحــات
يجبروني عشـان امشـي ورجلـي مـا تمشينـي
قتلـت رعايتـي بـيـدي قتـلـت الـحـب والرحـمـات
حرمـت النفـس مـن حقهـا وانـا ابكيهـا وتبكيـنـي
وكـنـه حـلـم قـدامـي يقيـدنـي مــن الـصـرخـات
ابي اصحى ولكني عجزت القى الـي يصحينـي
فـداك القلـب يايـمـه ومهـمـا قـلـت مــن كلـمـات
صغيـره فـي كبـر حقـك بــس اتمـنـى تعذريـنـي
نهبت الفرح من بيتي صحيح اني خسيس الذات
صحيح اني ولـد طايـش وكـل مـا أسمعـه فينـي
تـجـول عيونـهـم فيـنـي تفـصـل مـنـي قيـاسـات
وتشيـح وجوهـهـم عـنـي وكـنـي غـيـرت ديـنـي
يظنـوا حزنـهـم اكـبـر وهــم اصـحـاب هالمـأسـاة
وانـا اتـحـدى اذا فيـهـم ربــع مــا يحـتـرق فيـنـي
نقـص قـدري بعـد موتـك وغابـت نـشـوة الـلـذات
وصــــار الــهــم عــكـــازي ابـاكــيــه ويـبـاكـيـنـي
عطيتيني بدون حساب ولا سمعتك تقولي هات
وانـا اشـرب حيـل مـن دمـك ودمـك مـا يكفيـنـي
يايمـه ارجعـي كافـي ابجلـس معـك لـو لحظـات
واقبـل ايـدك ورجلـك وافـرش لـك رمـش عيـنـي
يايمـه مــا تحملـهـم يقـولـوا فــات مــا قــد مــات
تعالـي غيـري هالقـول واطيعـك باقـي سنيـنـي
واتـرك عـادة التدخيـن وانفـذ مــا تـبـي بسـكـات
واصلي الفجر في المسجد قبل منتي تصحيني
يايمـه ارجعـي تكفيـن وطـفـي شمـعـة الآهــات
ابـيـك انـتـي ولا غـيـرك عـلــى مـوتــك تعـزيـنـي
وضميـنـي وداويـنـي مـثـل مــا كـانـت الهـقـوات
ما ابـي احـدن يواسينـي ابيـك انتـي تواسينـي
دخيلـك بـس لا تبكـي اذا شفتـي بـي الدمـعـات
انـــــا مــقـــوى ابـكــيــك اذا انــتـــي تـبـكـيـنـي
اعجبتني فنقلتها لكم .
تحيتاتي لكم
