خلاص ابرتاح غادر والسعد فالـك
من حضرتك لاجل تقلب لي موازيني
من اي كوكب نزلت وشايفن حالـك
من حضرتك لااجل تتعبني وتشقيني
مليت جرحـك وتبريـرك وموالـك
تخطي وترجع تعتذر لااجل ترضيني
ان كان جرح القلوب البيض يهنا لك
يموت حبـك ولا تنـزف شرايينـي
يموت قلبي ضما واموت انا هالـك
ولااشرب الـذل بيدينـك وتسقينـي
غرورك اعماك تحلم تبنـي آمالـك
نهايتك جـات بيـدك قبـل تنهينـي
والله لانت ولاعشـره مـن امثالـك
تخضع له النفـس ويفكـر يمشينـي
في واقع الأمر ماني باصغر عيالـك
ربانـي الوقـت لاتحلـم تربيـنـي
غلاك مات ابتعد وافراقك اشوالـك
لاترتجي الدمع واحـذر لاتعزينـي
ماينزل الدمع لا لأمثالك ولا لأشكالك
اصلاَ من تكون حتى تفقـدك عينـي
لاعاد تحلم يجـي رقمـي بجوالـك
والله مااخضع ولو ترقص شياطينـي
خسرت نفسك ومضنونـك وتمثالـك
خسارتك للاسـف ماعـاد تعنينـي
تحياتي..
سيدة كل العذارى..