[غزل العمري]

يا لي دفنتوا جثته .. ليه تبكون

لولا الحيا.. لأقول: معكم خذوني

منه انحرمت وكنت انا عنه مسجون

ما اذكر لمحته .. غير مرة بعيوني

شفته .. وكانت فرحتى مالها لون

عجزت لاوصف ..من لمحته شجوني

يا ليتني .. كنت الكفن يوم تمشون

ابقى معه وبا لقبر ثم تدفنوني

اوليتني من خلفكم كنت (مجنون)

اتبع خطاكم والعذر هو : جنوني

ابكي وراكم .. وادعي ان كان تدعون

ما يكفي انه عاش عمره بدوني ؟؟

تكفون..هااكم عمري اليوم تكفون

برخص حياتي دام خابت ظنوني

ما فادني صبري!! ولا فادني عون..

ولا فادني دمع (ن) حرق لي جفوني

يا ما بكيته والبكي يحرق عيون

ميت او انه حي.. دمعى بعيوني

العام كان بفرحته يعزف لحون

واليوم , تحت الارض.. ماهو بكوني

ولكن انا في فرحته كنت مدفون

فوق الثرى واليوم موته سجوني

سميت قلبي عقب فرقاه ملعون

هو والليالي.. عن هناه امنعوني

يا ليتني ما عشت الحظه بها الكون

ويا ليت ربعي في سكات اذبحوني

ويا ليتكم عن همي اليوم تدرون

منه انحرمت ومن عزا احرموني

حتى بوفاة يوم انا طحت مطعون

اخفيت طعناتي.. قبل لايفضحوني

بكيت!! لكن ما تظاهرت با الهون

ابكي واقول: الموت هو سبة طعوني

وان كان في حبي انا ما تحسون؟!

دلوني لقبره...... وهـناااك..

اتركوووووووووووووووني!!