بسم الله الرحمن الرحيم
هلا بكل الانفار والنفرات
شخباركم ؟؟ دووووم ان شاء الله
موضوعي اليوم شوي وغريب ومحتاج تفاعلكم معي
راح ابدأ الموضوع بقصه من تأليفي
▂▃▅▆▇ شخصيات القصه ▇▆▅▃▂
1- الدكتور خالد
2- أشواق
3- وليد
▂▃▅▆▇ القصة ▇▆▅▃▂
كان الدكتور خالد من افضل الاطباء والجراحين في مجاله وكان يحب شغله وفي حياته كلها ما مرت عليه عمليه
الا ونجح فيها .. في يوم من الايام كان عنده عمليه صعبه مدتها 4 ساعات قرر انه يريح حاله شوي
طلع برا غرفة العمليات وجلس على كراسي الانتظار ونزل راسه لانه كان دايخ لان العمليه كانت صعبه ومحتاجه تركيز
وفجأه سمع صوت رفع راسه يناظر من وين الصوت جاي من الاستقبال
شاف بنت ودخلت قلبه مثل ما يقولون حب من أول نظرة بنت ملاك الشعر بني طويل والبشرة بيضاء وصافيه والشفايف ورديه
راح يشوف وش مشكلتها
الدكتور خالد : السلام عليكم
البنت : وعليكم السلام
الدكتور خالد : آمري أختي ؟
البنت : احس بدوخه قوويه ومو راضي الاستقبال يدخلني عند الدكتور
الدكتور خالد : ليه ؟
البنت : يقول لازم يكون عندك ملف
الدكتور خالد مع ابتسامه خفيفه : تعالي معي للمكتب واشوف وش مشكلتك
البنت : مشكور
وراحو لمكتب الدكتور خالد
الدكتور خالد : وش تشربين ؟
البنت : مشكور ما ابي شي
الدكتور خالد : لازم تشربين
البنت : عشانك مصر راح اخذ مويه
وطلب الدكتور خالد كاسين مويه
الدكتور خالد : ما تعرفنا عليك ؟
البنت : اشواق
الدكتور خالد : عاشت الأسامي
اشواق استحت ولا ردت عليه
الدكتور خالد : وش مشكلتك ؟
اشواق : احس بدوخه شوي ويغمى علي
الدكتور خالد : من متى والدوخه تجيك ؟
اشواق : تقريبا من يومين
الدكتور خالد : اهاااا عرفت وش مشكلتك
وكتب لها الدكتور خالد الوصفه
الدكتور خالد : امسكي الوصفه وعطيها الصيدلي وان شاء الله في غضون يومين تروح الدوخه
اشواق : مشكوور
الدكتور خالد : امسكي هذا كرتي اذا احتجتي اي شي او حسيتي باي شي دقي علي
اشواق : حاضر ... يالله انا ماشية
الدكتور خالد : فرصه سعيده اننا تعرفنا عليك ولا تنسين تاكلين الدواء في وقته
اشواق : مع السلامه
الدكتور خالد : في امان الكريم
ومن يومها والدكتور خالد وحالته متغيره يطالع كل يوم جواله و24 ساعه شغال
لكن بدون فايده مر شهر وشهرين لكن بدون ما تتصل اشواق ولا تزوره حتى في المستشفى
ومره رجع للبيت وتعشى ونام وفجأة في نص نومه رن جواله ,, شاف الرقم غريب وفي الوقت هذا استغرب خالد من بيدق عليه
ورفع السماعه وسمع نفس الصوت اللي في المستشفى من شهرين
الدكتور خالد : الو
اشواق : الو
الدكتور خالد : سلامات عسى ما فيك شي
اشواق : لا مافيني شي
الدكتور خالد : الحمد لله
اشواق : تخاف علي للدرجه هذي ؟
الدكتور خالد : ما تبين اخاف عليك
اشواق استحت
الدكتور خالد : وش فيكي متصله علي في الوقت هذا ؟
اشواق : ما عندي شي بس حبيت اسولف معك
الدكتور خالد : اهاا ما في مانع
اشواق : في شي حبيت اقوله لك من شهرين
الدكتور خالد : وش حبيتي تقولين ؟
اشواق : انا أحبـــك
الدكتور خالد : وانا نفس الشعور
وقامو يدردشون الى الصباح
وهم على نفس الحاله كل يوم يدرشون ويطلعون مع بعض ويحبون بعض مره
ومره كان الدكتور خالد في شغله في المستشفى دخلت عليه اشواق وكان وجهها شاحب واصفر
الدكتور خالد : وش فيك ؟
اشواق : ما فيني شي .. بس حبيت اطلب منك طلب
الدكتور خالد : أمري وش بغيتي ؟
اشواق : انا ادمنت على حبوب مهدئه للأعصاب وكل ما رحت للصيدليه يرفضون يعطوني الحبوب
الدكتور خالد : اممم المره هذي راح اعطيك الحبوب بس حاولي تبتعدين عنها
اشواق : ان شاء الله
وعطاها الدكتور خالد الحبوب لانه ما كان يرفضلها طلب
وصارت تتردد عليه عشان يعطيها الحبوب وهم على نفس الحاله
ومره عطاها الدكتور خالد حبوب وطلعت اشواق من المستشفى ونفس اللحظة طلع الدكتور خالد برا المستشفى عشان يدخن سيجارة
وولع السيجارة وقام يدخن ... وفجأة طاحت السيجارة
وشاف منظر ما كان يتخيله !!! شاف أشواق تخم واحد وتبوسه وتعطيه الحبوب وتركب معه في نفس السيارة
وهذي الشخصيه اسمها وليد ...
توقف القصه هنا
اللي ابيه منكم الحين انكم تعطون عنوان للقصه وتكملونها انتم
واذا عجبتكم القصه وشفت فيه تفاعل
طرحت قصه ثانيه
وتكملة القصه قريب ان شاء الله راح احطها
الهمه يالله ابي ردروكم
لكم احر التحايا
أستـــاذ الخيــانــه