الحب ماكان قصدي ولاهمي؟؟همي ابعرف من انتي وبس؟وانهيها...
سكت فجأه ولاهو من ثقل دمي؟؟حست بأشياء مدري ويش اسميها...
نشوة..ورعشه..وبرد..وصيف ياغمي؟؟وياناس هالبنت هذي وين اوديها...
لقيت حبك بقلبي جاحده فمي؟؟وبديت احبك وانا ساكت ومخفيها...
لكن قبل مادموعي توصل لكمي؟؟حبيتك وذمتي حبيت ابريها...
بأجمل هديه من الله مرسله يمي؟؟فرحت فيها قبل ماشوف باقيها...
تدللي.. امريني.. اطلبي..سمي..؟؟الكلمه اللي تبي تقولين...قوليها...
ياشيخــــــــــه الملــــــــح ملحك حولك التمي؟؟وزيادة الملح بالضحكه وتاليها...
وسمو الاخلاق هذا شي ماسمي؟؟جمعتي احلى الصفات ولانثرتيها...
اما الدلع..يوووه منه يووووه..متحمي؟؟دلعك خلقه وشعري مايجاريها...
والله احبك وربي امدحي وذمي؟؟والحاجه اللي تبي تسوين سويها...
والوقت يحكم وهذي يدي وضمي؟؟واخذيني لدنيتك باذوق حاليها...
بعدك لاشفت البنات اقول واهمي؟؟مغرور لوشفت اجمل بنت اعديها...
مامالي عيني الا انتي ولي تمي؟؟يااجمل بنات رمـــــاح وملح اهاليها...
اخاف منك علي وجيت واسمي؟؟والله يعافيك روحي لاتخليها...
احب امي وحبك صار بعد امي؟؟مره احبك وكيف وليه مابيها...
بتحب..تندم..ياعمي روح ياعمي؟؟اندم على ايش ياخي شف مواريها...
ياعل عين تناظرها ولاتسمي؟؟تفقد بصرها ولاتلقى مداويها...
وان مت لجل الهنوف ودمعي بكمي؟؟مابي لها ثار؟؟من هالحين معفيهــــــــــــــــا