جنى وهي تلف للجهه الثانيه وتهز راسها :: يوصل ان شالله ..
ثم طالع الكاشير اللي بسرعه نزل عيونه يتابع عمله لان نظرات رائد خوفتتته ..
وقف رائد وهو ماعرف ليش سوى كذا يمكن بدافع غيرته كاولد عم ماخلى تفكيره يستمر اكثر من ثوانني انهاه بسرعه ..
وصلها الدور وحاسبت ببطاقتها وطلعتتت وحسين وراها يشيل الاغراض ونفس الشي رائد ومن الصدف سيارة جنى جنب سيارة رائد اللي ماعرفها لاهو ولاخواته ..
ملاك وهي تفتح الشباك وهي راكبه بجنب رائد اللي يركب الاغراض ورى وحسين فاتح الباب لجنى تركب :: مبررروك على السياره ..!!
جنى وهي تتبسم وبان من عيونها :: الله يبارك فيككك .. وتطالع خواتها بجوى السياره وتغمز لهم ..ماسرع ماوصلكك الخبر ؟؟!!..
روان باندفاع :: من يعني خواتك يالله عقبال ربى وشذى ياربب ..
جنى بغرور وهي تركب وحسين انتبه وراح قفل الباب وهي فاتحه الشباك :: مو كل العالم يتجيب اللي جابته جنى ياماما ؟؟!!..
شذى بغرور :: اكيد نجيب احسن منه ..
جنى ابتسمت ببرود وطلعت من بوكها فاتوره :: امسكي هاذي فاتورتك ترى اللي دفعته لك ديننن وان ماتسدد اليوم اول مانرجع .. اغراضك مراح تاخذينها وعارفه وش الباقي ..
شذى بضيق :: طيبببب ..
ركب كل واحد سيارته وانطلق كل واحد بطريقه ..
التقوا عند الاشاره القريبه ..
رائد وهو يتامل سيارتها اللي قدامه :: والله سيارتها خطيرررره واخر موديلل بعد ..
ملاك :: ايه هاذي الناس اللي تقدر سياره خاصه فيها هدية نجاحها من جدهااا ..
رائد :: احلى والله حنا تخرجنا واكبر هديه ساعه الماس ..
روان :: هههه يا بابا هاذي جنى اللي من تقول الكل ينفذ طلبها من جدها لثمور ولد عمي عبدالعزيز كل خوالها واهل امها مايرفضون لها طلب هذا غيرر ابوها وامها واخوانها مو مقصرين ..
رائد رفع حاجبه باستغراب وطالع اخته بالمرايه :: ليش ان شالله وش فرقها عن خواتها ؟؟!!..
ملاك :: اول فرحتهم واكبر حفيداتهم ..
رائد مافهم :: كيفف ؟؟!!.. وحرك السياره لان الاشاره فتحت ..
ملاك :: هي اكبر البناااات والبقيه شباب فهمت هي وعريب بنت خالها ماخذين الغلا كله وهي اكثرر لانها عارفه تكسب قلوبهم وعقولهم لصالحها ..
رائد وبدى يفهم هز راسه :: اها قولي .. وسكت فتره لاكنه تذكر شي .. وهو يطالع الشارع .. الا تعالوا هنا انا ماحددت لكم السعر ليششش مكثرييين ها ؟؟؟!!..
روان بتلكع :: ياخي وش نسوووي من زمان ماطلعنا معك باخل بهالكم ريال ؟؟!!..
رائد ابتسم :: اوكي هالمره بامشيها بس مو كم ريال قصدك كم ميه ..
ابتسموا خواته وكملوا طريقهم ..

**
**

**
**



طبعا الجازي + ساره + مدى + ندى + ملاك + روان :: جالسين بالمطبخ يجهزون الي عليهم .. معدا جنى + ربى + شذى :: موكلين أعمالهم لعفره والطباخه ..
**
**

الساعه وحده بقصر ابوفارس ..
جنى وهي تشرف على تريبات فاطمه لشنطتها للمزرعه وجالسه على السرير :: لا تحاولييييين شـــــذى الحين يعني الحين خلي عنادك يفيدككك ؟؟!!!.. وهي تاشر بابصبعها بتهديد ونظرها على اغرض شذى اللي بزاوية الغرفه :: والا مراح تاخذين الاغراض ..
شذى بتاففف طلعت وهي متضايقه حدها المصيبه مصروفها وخلللص وابوها نام من قبل لايجووون هو وامها استعداد لبكره واصلا لو صاحين مراح يعطونها لان عندهم قانون المصروف لازم يكيفها كل الشهر ..
بهاللحظه فارس توه بيدخل غرفته وطالعها وهي طالعه تااففف :: وش فيك تاففين ومتضتيقه عسى ماشر ؟؟!!..
شذى حست انه المنقذ وبدلع :: فوفو حبيبي ..
فارس اللي عرف وراها طلب :: من الاخر ؟؟!!
شذى :: ابي فلوووس ..
فارس رفع حاجبه :: ليش ؟؟!!..
شذى :: جنى شرت لي من السبور ماركت اغراض المزرعه وبما ان مصروفي خلص ماقدرت اعطيها شي ..
فارس :: وابوي ؟؟!!..
شذى :: ابوي نايم قبل لانجي وحتى لو قايم مراح يعطني تعرف نظريته مصروفي لازم يكفيني كل الشهر ..
فارس بنظرات اربكتها واستغراب :: وين طيرتيه وحنا بنص الشهر ؟؟!!..
شذى :: انت قلت نص الشهر بعدين ترى كلها الف رياللل يعني بسرعه تطير ؟؟!!..
فارس باستغراب ونرفزه خفيفه :: الف ريالل لوحده بسادس ابتدائي عفوا اقصد اولى متوسطط تطيرها بنص الشهر تتسهبلين انتي هالالف غيرك يتمناها ..
جنى وهي تطلع من غرفتها :: قلها قلها بس ماتسمع الكلام كم مره اقولها مو معناة ربي معطينا من خيره نضيع فلوسنا ..
شذى بتافف من محاظراتهم :: يعني ابخل على عمري وربي معطينا خير والحمدلله ومو ناقصنا شي ؟؟!!..
جنى بهدؤؤ :: بالعكس لاتبخلين ولاتبذرين خلك وسطط هالفلوس مهما كان تعب وشقى ابوي وامي تضيعنها ببساطه وعلى فكره بتحاسبين عليها يوم القيامه ..
شذى وهي تتكتف بضيق :: انتم تقلون كذا لان مصروفك الفين وهو مدري كم وتحاسبوني على هالالف ؟؟!!..
جنى وهي تهز راسها ممنها فايده وفارس طالعها بقل حيله فيها ..
جنى بطفش وماعندها الا هالحل :: اوكي راح اعطيك اغراضك .. قاطعتها شذى بفرحه :: واللللللللله ..
جنى صدمتها :: لاكن بشرط ..
شذى بخيبة امل :: اللي هو ؟؟!!..
جنى :: مصروفك بعد مانرجع من السفر تعطنياه امسكه لك وكل مابغيتي شي اعطيك منه اوكي ؟؟!!..خلني اعرف وين يرووح هذا مو معناته تشكيك لا انا عارفه تربيتك بس علشااان نقدر نحل المشكله ونخليه يكفي طول الشهر وتوفيرين بعد ..
شذى بقل حيله ماصدقت يوافقون يضمونهم معها بعد مارحموها مافي احد بعمرها ولازم تجيب طلباتهم :: خلاص موافقه ..
جنى وهي تاشر على فارس :: وفارس شاهد ..
شذى هزت راسها :: خلاص ..
فارس ابتسم وبخاطره :: مشالله عليها طول عمرها جنى تعرف تحل المشاكل وخصوصا لاخوانها وخواتها ..

دخلت وعطتها اغراضها وبعدها كل شخص نام علشان يكنون على اتم استعداد لبكره ..

**
**

**
**

**
*


مع شرووق يوم جديد الساعه 7 صباحا كان اجباري على كل من بالقصر يصحى علشان بينطلقون للمزرعه الساعه 8 ..

ربى بانزعاج وهي تغطي راسها باللحاف :: عفرررووووه بعدي عن وجهييي (( عفره :: حبشية :: مديرة الخدم بقصر ابوفارس من تقريبا عشرين سنه وصايره وحده منهم وفيهم وقريبببه حيل منهم .. ))
عفره بتملل :: ياربي متى بتصحون انتم ابوكم متحلف فيكم ان جت الساعه 8 ماصحيتوا بيروح ويخليكم ولاتفكرون تلحقونه ..
ربى رجعت تنام اما عفره خلالالاص طفشت منهم لاشذى ولاربى ولاهزاع ناوين يصحووون ..
كانت طالعه من جناح ربى وشذى وابوفارس وام فارس بينزلون يفطرون ..
ابوفارس ببتسامه :: صباح الخير ..
عفره :: صباح النور ياولدي ..
ابوفارس بتساؤل :: ها صحوا والا لا ؟؟!!..
عفره وهي ترفع يدها علامة قل حيلتها فيهم :: لا هزاع ولا ربى ولاشذى صحوا ..
ابوفارس وهو مكانه صرخ :: هزااااااااااااااااااااااااااااااااااااااع ربـــــــــــــــــــــــــــــــــــــــــــــــى شـــــــــــــــــــــــــــــــــــــــــــــــذى يالللللللللللللللللله تاخرنا ولا ترى بروح واخليكم ..
مع هالصرخه صحوا الثلاثه بسرررررعه يلبسون ..

الساعه 8 الا ربع اجتمعوا كلهم على الطاوله الاكل يفطرون ..
ابوفارس وهو يشرب القهوه :: فارس انت جيب اخوانك وانا وامك وهمام بنروح بسيارتنا ..
فارس :: واعمامي متى بيجووون ؟؟!!..
ابوفارس وهو يطالع ساعته :: بيمشون معنااا بس حنا بنسبقهم علشان نستقبلهم ..
جنى :: اوكي انتم بلغتوهم يرتبونها لنا ؟؟!!..
هزاع :: ايه بلغناهم وجهزوا كل شي ..
ابوفارس :: الاغراض بتروح مع عفره واحمد بسياره مع بقية الخدممم لاحد ينسى شييي ولاتنسون قفلوا غرفكم زييين ..
شذى :: لاتخاف هلاسطوانه حفظناها ..
ام فارس :: اهم شي هالشي مانظمن شي بعد السنه اللي طافت ..
جنى :: كل شي ثمين محد يقدر يقرب منه وغيررره مايهههم ..
ابوفارس وهو يوقف :: يالله لاتتاخرون ابي اشوفكم وراي سامعين ؟؟!!..
فارس :: ان شالله ..
بعد خمس دقايق الكل كان بسيارته وجاهزين قفل ابوفارس القصر من جووى لان اغلب الخدم بيرحون معاهم وطلعووووا متوجهين للمزرعه ..
ابوفارس + ام فارس + همام :: بسيارة ابو فارس .. فارس وهزاع وخواته بسيارة فارس..

**
**

**
**

__________________

من قرآني فكر ولاّ شعر واحتـاج الهويه
بنت شيخٍ دون ربعه ماذخر مـآل وعيـآل
قد غذآني(سلّمه ربي) على كسـب العذيـه
وقد نهاني عن طمآن الهرج والجرف الهيآل
لين صرت الكبريآء بكـل مآتعنيـه فيـه
في قصيدي في حديثي في الحقيقه والخيآل
لي طرف لو دِيِِس والله لأنقلب (ذنب وخطيه)
ولي خفوق لو تهادى ذوب *نجوم* الليـال