تصدق الا ماتصدق أنا عاجر عن التفكير
تعال وشوف في عينك غيابك وش سواء فيني
حبيبي مابقى عندي صبر يتحمل التأخير
رحلت وعقبك الدنيا غلاها طاح من عيني
اجاوب الي يسألني عن اخباري وأقول بخير
وأنا لاخير بغيابك ولاحاجه تهنيني
على طاريك كل لحظه ولا أحتاج للتذكير
حريص القلب ماينسى عيونك لاتوصيني
محد يقدر يعوضني لانك في عيوني غير
ومهما شفت أنا الفرحه بدونك ماتسليني
أنا خنتك وهالغلطه حبيبي مالها تبرير
علاقة حب مجنونه مابين احزاني وبيني
وكيف الحال وشلوني جواب مايبي تفسير
بدونك انت ماتضحك حياتي وترمش سنيني
مثل شاعر عجز يوصف شعوره وخانه التعبير
أنا ضايف ولاأدري أنا من فراقكأنا ويني
مثل طير كسر بعدك جناهح وماقدرت اطير
أحاول ابتسم وأنسى ولكن وش ينسيني ؟؟؟
أشوفك في صباحي أنت معنى ياصباح الخير
وأشوفك في مسائي حلم وردي لاتصحيني
تصدق السهريرسم عيوني ويتقن التصوير
ويشق النور في صفحة حياتي وماألاقيني
أنم وشولون ومشكلتي عجزت ألاقى لها تدبير
طلبت النوم لحظاته وعيآ النوم يعطيني
تغير وجهي من أول غيابك وابتدى التأثير
حبيبي من التعب كافي خذيت الي يكفيني
يأغلى من رحل عني يأكل الحب والتقدير
تعال ان كان لي عندك معزه وكأن تغليني
تعال ان كنت تعشقني واذا فعلاً تبي لي الخير
تعال ومد لي كف الوصل وأمد كفيني
اذا كان الجفا واجب بدى من قلبي التقصير
أبيك الحين ترجع لي ولاترجع تخليني
أنا ماقول الي صار فيني ماهقيته يصير
لأني كنت ( متأكد )بأنا البعد ينهيني