قصة فتاة حدثت في قبر من قبور جده >>قصه حقيقيه<<

[أخــ القمرــت]

السلام عليكم ورحمة الله وبركاته

قصة حدثت في قبور جدة

فيه بنت اسمها منى كانت البنت هذي بنت مدلعه للاخر عند اهلها دايم طلعات ووناسات
والمشكله ماقد سالها اهلها وين رايحه ووين جايه مخلينها على رويحتها
المهم ان بعد فتره تعرفت على رجال عن طريق التلفون وشبكت علاقتهم بعد كذا مكالمه ووصلت الى حد انها صارت تطلع معه كل ماراح لها اسبوع او سبوعين طلعت معه يعني على حسب المزاج واما التلفون شغال يوميا مكالمات
الحاصل البنت هذي ملت من خويها هذا وحبت تغير وتتعرف على شخص ثاني غيره مجرد تغيير مو كره للشخص بس في نفس الوقت مستحيه منه ماتدري وش تقول له علشان يتركها وهي تتفرغ لحياتها الثانيه
خطرت لها فكره قالت خلني اجربها معه اكيد بيتفاعل معها وبيقدر لها وقالت له انا جاني خاطب لاهلي واهلي وافقوا عليه وانا بعد وافقت عليه مجبره من اهلي فياليت يا حبيبي احنا لازم نفترق من اليوم والله يوفقك مع غيري وانا الله يوفقني مع عريس المستقبل
الرجال تضايق من الكلام هذا وقال للبنت انا ما اقدر استغني عنك بعد الفتره هذي يعني مساله اني اتركك هذي شيليها من راسك نبقى مع بعض حتى لو تزوجتي مو مشكله
قالت البنت الشي هذا غصب عني وعنك انا ما اقدر اخون زوجي قال خنتي اهلك من خمس افراد وش المانع من خيانه زود فرد اللي هو زوجك
المهم البنت تحاول منا والرجال مسكر عليها من كل جهه
لين قالت البنت اسمع يا ابن الحلال بعد اليوم ماراح ارد لا على تلفون ولا راح اطلع من البيت بعد كذا هنا زاد غضب الرجال وقال لها اوكي مو مشكله انا راح اوصل الصور اللي عندي لك لعند ابوك وزوجك في المستقبل وانتي تصرفي معهم طبعا صورها كانت خليعه مو صور عاديه
الحاصل ان البنت طقتها ام الركب وخاف وحست ان الرجال مايهمه الامر وفضيحتها وارده اذا تركته فقالت له وهي تترجاه تكفى الا الصور لاتوصل لابوي ويروح فيها ابوي رجال مريض ومن ماتت الوالده وهو حالته حاله فيكفيه اللي هو فيه
فوافقت بالاستمرار معه مكرهه
وقال لها بالمناسبه هذي ابي اشوفك بكره ونطلع نتعشى سوى وافقت بدون تردد وطلعت معه وبعد ماتعشوا وهم يتمشون في شوارع جده مرو جنب مقبره قالت البنت لخويها ممكن توقف هنا دقايق بس قال لها ليش قالت بسلم على امي من ماتت مازرتها في قبرها ولا مره قال مايجوز لك قالت انت ماعليك انا دقايق وراجعه لك قال كيف بتعرفين قبر امك من بين فبور كثيره وخصوصا احنا في ليل قالت انا عارفه مكان القبر من أبوي
الحاصل ان البنت الحت الا تسلم على امها دقايق وراجعه والاخ وافق لها بعد محاولات لثنيها
نزلت البنت ودخلت المقبره قدام عينه والرجال جلس ينتضرها مرت الدقايق والدقايق والبنت مارجعت والرجال بدا يقلق عليهاوالوقت يمشي والبنت للحين ماطلعت فقرر الرجال سؤال حارس المقبره وفعلا راح للحارس وساله وقال له البنت اللي دخلت المقبره قبل حوالي نص ساعه وينها للحين ماطلعت
قال له الحارس أي بنت هذي اللي تتكلم عنها
قال البنت اللي دخلت المقبره أنا كنت معاها ودخلت المقبره تسلم وتترحم على والدتها وللحين ماطلعت قال الحارس مافيه احد دخل المقبره لامن نص ساعه ولا حتى من ساعه
الرجال شك في امر الحارس وقال في نفسه لايكون سوى للبنت شي ومخبي علي ؟
بدا الصوت يتعالى بين بعضهم هذا يقول البنت دخلت وهذا ينكر قال الرجال أنا راح ابلغ عليك الشرطه ويخلونك تعترف غصب عنك
راح الرجال فعلا للشرطه وبلغ وسرد القصه من اول مادخلت البنت المقبره وقال لهم هذي خطيبتي والحارس ينكر وجودها او دخولها وأنا بنفسي منزلها عند باب المقبرة وشفتها بعيوني تدخل المقبرة كيف ينكر الرجال هذا
راح ضابط مع الرجال للحارس وسال الضابط الحارس فيه بنت دخلت المقبرة اليوم ولا لا الحارس أنكر الشي هذا وقال مادخل احد ورد عليه الرجال وقال له انا بنفسي منزلها هنا الضابط شاف الدعوا كبيره واختفاء بنت اخذ الرجال والحارس معه وقال للرجال ودينا لبيت البنت هذي يمكن تكون رجعت ونتأكد خاف الرجال وقال للضابط بس بشرط ماتبلغ ابوها انها طلعت معي خايف يفركش الخطوبه انت بس اساله اذا هي موجوده ولا لا
الضابط فكر وقال مو مشكله خلينا بلاول نلاقي البنت ولكل حادث حديث
راحوا الثلاثة الضابط والرجال والحارس لبيت البنت وضرب الشرطي الجرس وطلع ابو البنت وسلام عليكم السلام انت ابو منى قال ايوا انا ابو منى ليش ايش الموضوع قال الضابط لا الموضوع بسيط بس حبينا نتأكد اذا منى موجوده في البيت ولا لا وقال الاب وليش تسأل قال الضابط بعدين بتفهم بس جاوبني بنتك منى موجوده في البيت ولا لا ؟
قال الاب منى ماتت من ثلاث اسابيع كيف تسالني هي عندي ولا لا
الرجال اللي مع الضابط طارت عيونه ودخل في الموضوع قال كيف تقول ماتت من ثلاث اسابيع وبنتك كانت معي قبل ثلاث ساعات
وبلأماريه انتوا ماكان عندكم عزومه يوم الخميس الماضي في استراحه قال الاب الا كنا في عزومه الخميس الماضي قال الرجال انا طلعت معي بنتك من الاستراحه هذي يوم الخميس الماضي كيف تقول ميته من ثلاث اسابيع
وسال ابوها مره ثانيه قال البارح مو كنتو موجودين في الكورنيش من بعد صلاة العصر حتى بعد العشى قال ابوها ايوا حصل قال الضابط الموضوع اكبر من اختفاء بنت
وساله الضابط ابو البنت عن بنته منى مره ثانيه فانكر ابو البنت وجودها لديه وقال بنتي سبق وقلت لك ماتت من ثلاث اسابيع وانا دفنتها في المقبره قال الضابط نروح للمقبره ونروح للقبر ونشرح الجثه
راحوا جميعهم للمقبرة ووصلوا لحد القبر اللي قال الاب على انه قبر بنته منى وطلب الضابط من حارس المقبره حفر القبر وبداء الحارس بحفر القبر وبعد دقائق وصل للحد وما ان رفع الحارس اللحد عن القبر حتى تبين لهم يد تتحرك فنزل ابوها مسرعا للقبر وبداء بازاله باقي اللحد وراى ابنته منى وارتمت منى على ابيها بشده
وقالت لابوها جده غير والصيفيه على الابواب فين حدودينا يا بابا قال جنقلاند يا بنتي


تحيــاتيـ أخــ القمرــت

[Al SaQeR]

<-=-=-=-=-=-=-=-=-=-=-=-| أنتهت القصة وهو مايدري وش السالفة

من جد انقلب راسي ,,, ههههههههههههههههههههههه

بس حلوه وشدتني

أخـ القمر ـت

مشكوره خيتوو

وصيفنا مع أهلنا ........

ويعطيك العافيه

تقبلي مروري

فراغ العاطفه

[أخــ القمرــت]

أحــــــــــــــــــــــــــــــــــــــــــــــــ ـــــــــــــلـــــى

خخخخخخخخ


يعطيـــك العافيه ع المرور فراغ العاطفه وأسفين قلبناا راسك

[لولو]

لوووووووووووووووووووووووووووووووووووول
يعطيج العافيه

[Knight Of Night]

والله القصه طويله

ما فيه امل اقراها <<<<<<<<<<<< انواع العجز

يعطيك العافيه ع القصه

والى الامام....

[أخــ القمرــت]

اقتباس: والله القصه طويله ما فيه امل اقراها <<<<<<<<<<<< انواع العجز

أهم شي راحتك..

يعطيك العافيه ع المرور..

[اليتيم]

اخت القمر وصمخ وش ذا وربي اني اندمجت مع القصة حتى اني صرت اتصور اني بينهم ويوم جاء طاري المقبرة قلت اي مقبره في جدة وجاتني قااائمة المقاابر في مخيلتي لا وبعد كنت بوصلها للوالدة احكي لها القصة
الله يغربل بليسك قولي امين

بس رررررربك ستر

يعطيـــــــــــــــــــــــك ربي الــــــــــف عاااااااااااااااااافية

[rihan]

مشكوره اختي اخت القمر على القصه

[أخــ القمرــت]

هههههههههههههههههههههههههههههه..معليش اليتيم تعيش وتاكل غيرهاا..مشكوور ع المرور..

ريحان..مشكووره خيتوو ع المرور..