يعني من قل المصايب صاب هذا الصدر ضيـق
والا يعني من الحظوظ الزينة ورفـع المكانـه
ذي حياتي من مضيقٍ ..في مضيقٍ.. في مضيق
ولو بحثت الصبر فيني.. ما اجد للصبر خانـه
عادتي لا ضقت ادوّر (حضن وعيون) الرفيـق
مشكله .. لا صار ضيقي منه واحزاني عشانـه
يوم قال: (اسمحي لي بارجع) وانتي كمّلي هالطريق
لازم تقدّري.. وتنسـى.. وننتهـي كـلٍ وشانـه
قلت: صبرك (يرحم الله والديـك) ..مـا اطيـق
ماني ناقصه فوق جرح اقدارنا.. جرح الخيانـه
حاجتي لـك حاجـة الايتـام وايديـن الغريـق
طالبتك طلبه تراني اعشقك: (صـون الامانـه)
وراح وماكنه سمعنـي والتفـت لفتـة طليـق
وقال: اخيراً ما بغينا.. ثم غنّـى (ليـل دانـه)
عندها أدركـت فعـلاً ..قيمـة الحـب العتيـق
وقلت: هذي آخرتها.. مـا تجـاوزت امتحانـه
ضيق صدر وجرح قلب ودمع عين ونشف ريق
هذا كل اللـي جنـاه الشاطـر بآخـر زمانـه
مدري كن الحزن فيني شاف له نِعـم الصديـق
مدري يمكن كنت فعـلاً كفـو للحـزن وتكانـه
والفرح كالثوب لكـن لبْستـه لـي مـا تليـق
دام لبسـه لاي خاسـر مـا وراه الا الإهانـه
آه ياحزني ترفّـق.. صاحبـتك جرحـها عميـق
اشهد انك.. يا رفيق العمـر طيّحـت الميانـه
مثلي مثل اللي تراهن كل خلـق الله.. بعشيـق
والبلا.. راهنت وتدري خاسـرٍه عشقـها ورهانـه
ويعني من قل الخساير صاب ذيك البنت ضيـق
يكفي لا هالوقت وقته... ولا مكانه هو مكانـه
تحيــاتيـ أخــ القمــرــت
07-07-2006, 05:10 AM
يعنـــيـ مـنـ قـلـ المصآيـبـ.....!!
العرض العادي
