قصـة الولد والديـك....!!

[أخــ القمرــت]

فيه ولد طفران (ماعنده ولا ريال) راح لابوه

وقاله : عطني 15 ريال,,ودي اشتري كوره

الاب : أقول إنقلع عني تراها واصله معي

الولد : تكفا يبه,,بس 15 ريال والا اقولك خلها عشرة ريال

الاب : ماعندي فلوس ... إذا تبي فلوس رح بع الديك حقك المريض اللي بالحوش ..

الولد : بس هذا مريض ومحد بيشتريه

الاب : ماعلي منك...دبر نفسك

والله الولد استسلم للأمر الواقع واخذ الديك

أول واحد قابله في وجهه اكيد أبوه....قاله الولد: تشتري الديك؟

الاب : اقول بتنقلع عني ولا أقوم اتوطا في بطنك؟

الولد : خلاص خلاص لاتنفخ

طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك

قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله

فلانه هذي كانت وحده متزوجه بس للاسف كانت رايحه فيهاوتلعب بذيلها من ورا زوجها راح لها الولد عشان يبيع عليها الديك

الولد :تشترين الديك تكفين؟

الحرمه: هلا والله .. تعال قرب أشرب عصير

الولد :اقول مانيب فاضي لك .. خذي مني الديك وخليني اروح

الحرمه: تروح وين ياولد!! انا ماصدقت إني شفت رجال عندي في البيت ...

الولد : ومنهو اللي قالك إن انا رجال؟ خذي مني الديك وخلينا أنقلع

شوي الا الباب يدق خافت الحرمه

وقالت للولد: تعال إندس هنا في الدولاب لايطلع زوجي ثم نروح فيها.

حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..

الحرمه:هلا والله بعمري وحياتي

الرجال: يا هلا فيك عمري...

ما أمدا الرجال يكمل كلمته إلا والباب يطق

الحرمه: ياويلي ويلاه....هذا شكله زوجي......تعال

وادخل في الدولاب دخل خوينا في الدولاب وفجاه في عز الظلام سمع صوت يكلمه داخل الدولاب

ويقوله: تشتري الديك؟

الرجال: اصصصصصصصص....... رخ صوتك الله يرحم والديك لاتفضحنا

الولد :أقول تشتري الديك؟

الرجال: ياخوي خلاص بشتري الديك بس قصر على حسك تكفا...

الولد : طيب

الرجال: بس بكم تبيعه؟

الولد : ب100 ريال

الرجال: ايش!! هالديك المنتوف المريض ب 100ريال

الولد : تبي تشتري ولا ارفع صوتي؟

الرجال: لا لا خلاص.....ابشتري وأمري لله

جلسو 5 دقايق

الولد : تبيع الديك؟

الرجال: توك بايعه على يابن الحلال!!

الولد : تبيعه علي ولا ارفع صوتي؟

الرجال: لا لا خلاص....اببيعه وأمري لله....بكم تشتريه؟

الولد :بريال

الرجال: أيش!! بريال!!!! انا مشتريه منك ب 100 ونت تشتريه مني بريال

الولد : تبيعه علي ولا ارفع صوتي؟

الرجال: لا لا خلاص....اببيعه وأمري لله

جلسو 5 دقايق

الولد: تشتري الديك؟

الرجال: ياخوي توني مشتريه منك!

الولد :تبي تشتري ولا ارفع صوتي؟

الرجال: لا لا خلاص....ابشتري وأمري لله.....بكم تبيعه؟

الولد : ب200 ريال

الرجال: الله يمحط بك انشالله......توني مشتريه منك ب 100 ريال!

الولد :تبي تشتري ولا ارفع صوتي؟

الرجال: لا لا خلاص....ابشتري وأمري لله

جلسو 5 دقايق

الولد :تبيع الديك؟

الرجال: انا لله وإإنا إليه راجعون.....بكم تبي تشتريه؟

الولد : بريال

الرجال: وش تبيني أقول!! تبيني أبكي ولا أشقق هدومي....يالله خذ الديك وببلاش

بعد أن اخذ الولد الديك شوي ألا الحرمه فاتحه عليهم الدولاب

وقالتلهم: يالله بسرعه انحاشو دام إن زوجي في الحمام..بس واحد ورا الثاني وبشويش عشان لايحس فيكم زوجي

طلع الرجال وانحاش ولحقه الولد بعده ب5 دقايق المهم...قام الولد

يتمشى في الشارع وهو مستانس إن صار معاه فلوس .. بعدين راح

للبيت يوم دخل البيت شاف ابوه قدامه .. راح قال

لابوه: تشتري الديك؟

الأب ناظر فيه والشرار طالع من عيونه

وقاله: مايكفيك يابن اللذينا الــ 300 ريال اللي لطشتها مني في الدولاب.

[قناص العيون]

ششششششششششششكرا على النكته الجميله هذه ولا القصه العاديه اقل من العادي مادري كيف تكتبه زي هذه القصص في المنتدا مادري كيف شخص يسجل وشف زي هذه القصص من عضو ذهبي في المنتدا يكتب زي هذه القصص الي ماله داعي بس مادري فين المشرف العام احسن جامل فقط اخوكم ناصر

[أخــ القمرــت]

قناص أخوي ولله أذا ما أعجبك الموضوع مو مجبور انك ترد وبعدين هذا قسم الصرقعه والتنسيم يعني لازم يكون فيه مواضيع زي كذاا

وماراح أقولك مشكور ع المرور

[قناص العيون]

كل شخص يعبر الي شوفه في المنتدا اخت القمر والنقد مافيه شي يعدل في الشخص الى الامام انتي ماتكتبي لوحدك في المنتدا اخت لكل شخص الي شوفه غلط يعلم الشخص حتى لوكان عضو ذهبي في المنتدا .................................................. . اخوكم ناصر

[أخــ القمرــت]

أنا معك النقد مافيه شي بس شوف ردك وشوف الموضوع وتعال قولي نقد ومانقد
وبعدين هذا مو شي غلط

[قناص العيون]

..................

قناص راح نعتبره آخر إنذار لك عزيزي وأتمنى عدم التطاول على الأعضاء بردود خارجه عن صلب الموضوع

[أخــ القمرــت]

لا تعــــلــيق

[miss pinky]

هههههههههههههههههههههههههههههههههه
مشكووووووره على الموضوووع اختي اخت القمر
وانا مااشوووف في الموضووع اي غلط
وتقبلي مروووري وتحياااتي
miss pinky

[أخــ القمرــت]

مشكوووووره خيتوووو ع المرور ودوم الضحكه أن شاء الله

[فولـــ(2+2=4)ــــه]

[align=center]كاااااااااااااااااااااااااااااكـ كـ كـ كـ كاااااااااااكـ كـ كـ كـاااااااااههههههههههاااااااي

يللعن أم الفللله نكتتين بموضوع واحد ههههههههههههههههههههااااااااي

الولد والديك (و) وقناص العيون والعضو الذهبي كركركركركركركركركركركركركر

اوووما قناص ذا شكله مغبون منك يااخت القمر لانك عضو ذهبي أشوفه معلق عليها

بس والله أخلاق يا اخت القمر تربيتي

وانت يا قناص إذا تبي عضو ذهبي قدم معروض على الشؤون في المنتدى ويعطونك ان شاءالله اوب مقصرين

هههههههههههههههههههههههههههههههههههههههههههههااااا اااي

تسلمين ياوخيتي ع النكته والله يوفقك دنيا وآخرهـ

----------------------------------------------------------------------------------------------------------------------------------[/align]