00
ولا كلمة
ولا حرف
ما ابي اسمع عذر
لا تكلمني ابد
إكتشفت إنك سخيف
وينك البارح ؟!
وربي إنك سخيف !!
ماتدري إن الجفا بشرع الهوى عيب وحرام
يعني ماتدري وش احساسي تجاهك ؟!
ياسلام !!
مابي اعذار
المهم إنك جفيت
وهذا طبعك
وانا من طبعي وفيت
وما اجبرك
كيفك
إنت حُر
سو اللي تبيه
بس انا أبي اسهر غلا
غصبٍ عليك
بكيفي
انا حر بعيوني
اموت شوق
اعشق
احب
اعلم الناس
أقول إني هويت
بكيفي
وبعد غصبٍ عليك
واللي تبي تسويه سوه
بس تبي الصراحة
أذووووب فيك
ما راح استأذنك
أبي اعشق
كيفي
انا حُر
وإنت حر
أبي اكتب اسمك فوق كفي
واتغنى فيك قدام الناس
واسهر الليل أتقلب لأجل عينك
وادعي الله ما انحرم منك ابد
ومو بكيفك
غصبٍ عليك
وكل واحد يسوي إللي يبيه
وانا ابيك
ياسخيف !!
/
\
/
\
انا ما اكذب
ولا اتسلى
انا هويتك غصب عني
وغصب عنك
والقدر من يقوى عليه
أووووه نسيت !!
تعال ؟؟
باقول لك شيء
تدري البارح وش اللي صار
ياااااه
يا إني عشت اجمل عمر
تخيلتك معي ... والهوى حلم ... وخيال
بس مو اي خيال
وربي أحس الهوى سكر
يشبه الكتكات في ريق البنات ! !
تدري البارح ضحكت
ثم رجعت وبكيت
ثم رجعت وضحكت
ثم رجعت وبكيت
كني مجنون
صح ؟
ادري إنك قلت " صح "!!
بس وربي ماني مجنون عقل
انا مجنون فيك
يا سخيف !!
/
\
/
\
إنت ميت احساسك
وإلا تتغلى علي ؟
إذا تتغلى علي
يااااااااااااااه
وربي ما اغلى منك احد
تدري وش كثر الغلا اللي يحتويك بوسط عيني
كثر أُمي ... وأبوي
أنت انا
وأنت أُمي ... وأنت ابوي
وأنت اختي ... وأنت اخوي
وأنت روح بـوسط روحي
وأنت قلب بوسط قلبي
وأنت شمسي بالصباح
وبالمساء بعيني بدر
ياشموخي بين كل الناس
يا جموحي عن غلا غيرك فديتك
يا اعتزازي
يا تاج راسي
أنت نجمي في طريقي
وأنت نبراسي
وطعم كاسي
وكل ناسي
ياعزاي إن صار في عمري مآسي
ياسخيف !!
/
\
/
\
يعني ما تدري بغلاك ؟
وربي اغلي تراب بابك لاوطت رجلك عليه
ولو يبيعونه لعينك اشتريه
وربي احسد انفاسك إذا دخلت صدرك
وأحسد الخاتم اللي ساكن بكفك
وحتى جيرانك بعد
وكل حيك
والشوارع والمدينة
والعيون اللي علشانك حزينة
لو تدمع عيونك
احسد الدمعة إذا نامت على خدك
واتلوى
وآتصبر
وانتظر ساعة فرج من عقب عامين ضيق
كل هذا ماهو غلا !!
يا شيخ رووووح
والله إنك ماتدري بإحساسي تجاهك ياغلاي
الغلا قسمة ونصيب
وأنا راضي بحكم القدر
يا بعد كل الجروح
أنت جرح ينزف أشواق وعطر
قل يارب
جعل جرحك فيني عمره مايطيب
وانت في عمري صديق
وأنت بـاحساسي حبيب
وأنت شمعة
أحترق من ضحكتك
وانت دمعة
انزفك في غيبتك
وأنت سلطاني
وتحناني
وأفراحي
واحزاني
ياقصيدي
يافرحتي في يوم عيدي
يانبضي اللي وسط صدري
ياعطري اللي في وريدي
ياارتعاشي
ياالدفا بحافة فراشي
أبي اشربك بالصيف
ياااااااااه
يابردك
أبي اتظلل بغيمة غلاك
إذا حتمى صيف الهوى
وبالشتاء انفاسك جمر
وكفوفك لهيب
انت بعيوني سوالف ماسمعها انسان ثاني
من صباحي لين ليلي
وانت بعيوني عمر ما كتب لانسان ثاني
والله ما يتهنى فيه إنسان غيرك
وحتى لو إنك سخيف
وما تقدر لي هواي
وربي عااااادي
ومو مهم
المهم إن كل شيء بعيوني متساوي
ومو مهم
وأنت لحالك مهم
خلهم يدرون .. عادي
وخلهم يحكون .. عادي
كلها قصة هوى
وعشقٍ نظيف
ما يعرفونه ولايدرون وش معناه
أنا ما اهتم لهم
يكفي إن عشقي شريف
يكفي إن حبي عفيف
يكفي إن قلبي نظيف
وكلهم يدرون
بس وش تقول ! !
الحسد بقلوبهم ينبت نبات ! !
بس ماأقول إلا يا الله الثبات
وربي احبك ياسخيف
يا شيخ روووح
وربي إنك املح من خلق ربي
مع إنك سخيف
الله لا يحرمني منك
ولا من سخفك وشينك
ولا من نظرات عينك
وقل يارب
قلها تكفى
قلها
يا سخيف
الله لا يبين لك غلاك
.......................
أخـــ القمــر ــــت .. ياسخيف 
06-04-2007, 08:00 AM
يـــا سخيـــف..!!
العرض العادي
