عـــرس عربجي وعربجيـه >>يرحم أمـك أقرانـي<<

أخــ القمرــت · 09-07-2006, 07:11 AM

عرس عربجي وعربجية<<<.خخخخخخ

ابقول لكم وش صار في ليلة عرس دحيم

المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم الكبد

الولد دحيم داشر 24 سااعه مشاكل وتفحيط وخرابيط و هجوله

المهم ابوه قرر انه يزوجه يمكن يعقل الولد !!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه للثمامه يطعسون

وابوه يدق عليه

الاب: الووو دحيم وينك؟

دحيم : هلا والله طالع مع الشباب لثمامه

!!! الاب: جعل تطلع روحك بلا تعال اليوم عرسك

دحيم : طيب العرس في اليل يمديني ارجع المغرب

الاب: اقول امش جعلي امشي العصى على ظهرك

دحيم : طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونه ويودونه للقصر

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت

ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

دحيم : هلا ايه طيب يكون خير والله ما عندي ولا ريال

( قايل لكم مهوب وجه زواج)

المهم ويدخلونه على الحريم

يوم دخل

(وهو الي يفتح كشرته ( ابتسامه عريضه
ويناظر في ذا البنيات

المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا!!!!

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه

وانواع الاستهبال المشكله الي ترقص امه مسيكينه تبي تفرح به ما درت انه ما يستاهل

المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟

الا وابوه يصفقه على جبهته

دحيم : طيب خلاص انطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟

ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له

حصيصه : دحيم ابسالك سؤال؟

!!! دحيم: اسالي

حصيصه : انت الحين تعرف تفحط ؟؟؟

(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي

حصيصه : والله ورني ابي اشوفك تفحط

(دحيم : توهق

(دحيم : خليها بعدين موب اليوم ( يبي يصرف

حصيصه : افا شكلك ما تعرف هههههههههههاي

دحيم : اوريك من الي ما يعرف

وهو الي يلف هذيك الفه وطراااااخ في الماصوره على طول

والحين حصيصه ودحيم في الشميسي الدور الاول غرفه 123

قسم الكسور
الزياره من 9 الى 12 ظهرا و 5 الى 9 مساء

ان شاء الله تهنيتوا بالعرس ؟ هههههههههههههههههههه

.................................................. .
ياليتنــي حصيصـــه ولله أن دحيــــم فلللللللللللللللللللللللللللللللللللله خخخخخخخ

تحيــــاتــيـ أخــ القمـــرـــت

Al SaQeR · 11-07-2006, 10:59 AM

ههههههههههههههههههههههههههههههههههههه

مايشوفون شر إن شاء الله

بس من يخاويني نروح نزورهم

وانتي ياأخـ القمر ـت ناويه على عمرك بالكسوور ؟؟

أقوول أركدي الله يصلحك بس

أخـ القمر ـت

مشكوور ويعطيك العافيه على هالموضوع الخفيف

خليتيني افتح خشيشتي على الصبحيه

تقبلي مروري

فراغ العاطفه

$$عــــبــــوود$$ · 11-07-2006, 11:37 PM

هههههههههههههههههههههههههههههه

يالييتني حاضر العرس والله فله

مشكوووووووووووووووووووووووووووره اخت القمر

أخــ القمرــت · 12-07-2006, 05:35 AM

هههههههههههههههههههههه فراغ العاطفه بروح معك باللهي
يعطيك العافيه ع المرور

ايه ولله ياليتناا حاضرينه من جد فلللله يعطيك العافيه ع المرور

عيون الوله · 17-10-2007, 07:46 AM

هههههههههههههههههههههه
خسارة مارحت العرس >> فلة

يسلمو

عيوون الوله

lulu caty · 26-11-2007, 07:40 PM

هههههههههههه
وناسه تخيلو اخوي يقحص فيني على شارع الخليج
فله والله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري