شوفوا انواع التصريفات عند البنات بالمدرسه..

[حرااام فيك الوفاء....]

السلااام عليكم
اتفضلوا وشوفوا كذب البنات بالمدرسة ..........


---------------------------------
ليش حاطه كحل ؟
أبلة امس عندي عرس ومامداني امسحه أو أبلة عجزت امسحه الصبح ومو راضي يروح كله أو أبلة عيوني مكحلة !



-------------------------
ليش حاطه مسكرا ؟
أبلة رموشي كذا طبيعيين

---------------------------
ليش لابسة نعال ؟
أبلة اخوي مخبى جزماتي ومو راضي يطلعه أو فيني مسمارأو فلات فوت
---------------------------


ليش حاطه مرطب شفايف؟
أبلة براطمي فيهم مشق والطبيب قال احط زبده
--------------------------
ليش فالة شعرك؟
ابلة طاحت شباصتي وما ادري وينها .. << دوريها في جيبك اقول ..
--------------------------
ليش مطولة اضافرك ؟
ضاعت المقراضه <<قصاصه>>
-----------------------------------
ليش مو حاضره الحصه ؟
الابلة طردتني
----------------------
ليش حاطه راسك ع الدرج ؟
ابله مواصلة مانمت او ابله راسي يعورني وتعبانه
-------------------------------
ليش تسولفين ويا زميلتك بالحصه ؟
لا ابله قاعده اسألها عن الدرس


------------------------
ليش لابسة شراب ملون ؟
امي ماتبي تشتريلي شرابات بيض
------------------------------
ليش لابسه خاتم ؟
ابله مخطوبة

--------------
وسلااااااااامتكم

انتظردودكم

[miss flowar]

ليش حاطه كحل ؟
أبلة امس عندي عرس ومامداني امسحه أو أبلة عجزت امسحه الصبح ومو راضي يروح كله أو أبلة عيوني مكحلة !

هذي كثري منها لانها تصير كثير ويسلمووو على الموضوع

[شبيہ الريح]

هههههههههه

شكلكم مجربينها

يسلمووووووووو على التصريفات

بس وين حقت العيال

[حرااام فيك الوفاء....]

انشاء الله وان لغدٍ لناظره لقريب


يسلموووووووووووووو على المرور

[حرااام فيك الوفاء....]

انشاء الله وان لغد لناظره لقريب نشوووف مين الأحلى


يسلمووووووووووووووووووووووو على المرور

[غزل العمري]

ليش تسولفين ويا زميلتك بالحصه ؟
لا ابله قاعده اسألها عن الدرس

أما هاذي ابصم لك ع العشره انها موجوده بكل المدارس

وانا بصراحه اسويها يعني انا صريحه

مشكوووووووووووووووووووووووووووووووووورة

[اعلى من نجوم الثريا محلي]

ليش مطولة اضافرك ؟
ضاعت المقراضه <<قصاصه>>
لا بعد ليش صابغتهم
امس كان عندي عرس وما لقيت الاسيتون ضايع
والله انك خطير


تقبل مروري

["00 ملكة ديرتها 00"]

وازيدكم 00000
ليش مو حاله الواجب ؟؟؟؟

امس كان عندنا ضيوف او اني ناسيته بالفصل او فلانه اخذت الدفتر علشان تكمل

انتي ماتدرين ان اليوم عندك اختبار ؟؟؟؟
ادري
طيب ليش ماذاكرتي ؟؟؟
امي والده وانا اقوم فيها

مشكوره عزيزتي على الموضوع