قصه زواج بنت بعمر الزهور

[يولتا]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


قصه مؤثره عن فتاه صارت ضحية الطمع


عبير بنت في عمر الزهووور عمرهااا 14 سنه كانت تضحك وتمرح ولا عرفت الهم والحزن كانت تعيش مع امهااا وابوهاا وأخواتها وأخوانهاا مثل الكثير من البنات لكن بين يوم وليلة تغيرت حيــــــــاتهااا ..

ابو عبد الله والد عبير كان يتسوق في أحد الأيـــــام وفجأه رن جواله
ابو عبد الله
اللهم أجعله خير هذا الرقم غريب يالله برد وأشوف مين ..
ابو عبد الله : الوووو مرحبا
ابو خالد : السلام عليكم
ابو عبد الله: وعليكم السلام ورحمة الله وبركاته
ابو خالد : كيف حالك يا ابو عبد الله
ابو عبد الله : انا بخير الله يسلمك من معي
ابو خالد : هههههه يعني ماعرفتني انا ابو خالد
ابو عبد الله وقفت نبضات قلبه من الخوووف : ابوووو خاااااالد !!!
ابو خالد : ايه انا ابو خالد وش فيك مستغرب ؟؟
ابو عبد الله : لا أبد طال عمرك هلا والله ومرحباااا فيك
ابو خالد : تسلم انا ما ابي اطول عليك لكن اليووم بأزورك في بيت
ابو عبد الله : حياك الله ينور البيت بوجودك
ابو خالد : الله يسلمك انا الحين مشغول يالله مع السلامه
ابو عبد الله : في أمان الله

قفل ابو عبد الله الخط وهو مستغرب من زيارة ابو خالد له طبعآ ابو خالد رجل معروف وتاجر كبير عمره 50 سنه والكل يتمنى يتعرف عليه ...
بيت ابو عبد الله
ابو عبد الله : يا أم عبد الله اليوم بيجينا ضيوف جهزي العشاء
ام عبد الله : من الي بيجي ؟؟
ابو عبدالله : ابو خالد
ام عبد الله بدهشه : وش تقول ؟؟ ابو خالد ماغيره
ابو عبد الله : ايه ابو خالد .
ام عبد الله : ابشر اسوي لكم احلى عشاء

في المجلس كان يجلس ابو عبد الله وابنه عبد الله وابو خالد ...
ابو خالد : يا ابو عبد الله انا اليوووم جيتكم ابي اخطب بنتك وابشروا اللي تآمرون عليه انا جاهز
ابو عبد الله : تبي تتزوج بنتي !!! والله انا يشرفني قربك لكن انا بناتي الكبار مخطوبات لعيال عمتهم وماعندي الا بنت صغيره عمرهااا 14 سنه !!
ابو خالد : وانا جيتك عشان اتزوج هذه البنت .
ابو عبد الله : لكن ......
قاطعه ابو خالد : لاتتسرع فكر بالموضوع ورد لي بكره
ابو عبد الله : يصير خير ان شاء الله .

بعد ماراح ابو خالد جلس ابو عبد الله مع زوجته الي كانت معروفه بقوة شخصيتها وسيطرتهاا وخبرهاا بالموضوع ..
ام عبد الله : والله الساعة المباركه وانت باقي تفكر !! هذا باب رزق وانفتح لنا دق الحين عليه وقول له موافقين
ابو عبد الله : وش فيك البنت صغيره وما أظن انهاا بتتحمل مسؤلية الزواج !!
ام عبد الله : لا البنت مو صغيرها بعدين هي بالنهايه بتتزوج خلنا نزوجهااا ابو خالد ونكسبه بعدين هو قال لك انه مستعد ينفذ اللي نبيه ولاتنسى حالتنا الماديه شويه صعبه ولاتنسى الديون الي عليك هذا فرصه لاترفضها يا ابو عبد الله ..

ابو عبد الله جلس محتااااار وفجأه تذكر اخوه ابو سعيد وقال لازم آخذ رأيه !!
اتصل ابو عبد الله على اخوه ابو سعيد ..
ابو سعيد : هلا بالغالي
ابو عبد الله : هلا فيك .. كيف حالك ؟
ابو سعيد : انا بخير الحمد لله انت كيف حالك وكيف عبد الله ..
ابو عبد الله : بخير الحمد لله انا ابي استشيرك بشي يا اخوي ؟؟
ابو سعيد : تفضل
ابو عبد الله : اليوم خطب ابو خالد بنتي عبير وحبيت آخذ رأيك اوافق ولا لا ؟؟
ابو سعيد عصب : ايش ؟؟؟؟؟ ابو خالد ؟؟ صاحي انت بتوافق عليه نسيت الي سواه فينا
ابو عبد الله : يا ابو سعيد هذا ماضي وراح والأرض خلاص صارت ملكه ..
ابو سعيد : هذا حرامي ونصاب ولاتزوجه بنتك والله والله ان زوجته بنتك ما أحضر زواجها ولا تعتبرني أخوووك ..
ابو عبد الله : خلاص خلاص لاتعصب ان شاء الله مايصير إلا كل خير


انتهت المكالمه وجلس ابو عبد الله صامت دخلت عليه زوجته وشافته محتآآآآر
ام عبد الله : وش فيك باقي تفكر ؟؟؟ قلنا لك هذه فرصه وجتك مافي داعي لتفكير
ابو عبد الله : الحين كلمت أبو سعيد وأخذت رأيه بالموضوع ؟؟
ام عبد الله : وش قال ؟؟
ابو عبد الله : رفض ...
ام عبد الله : وش عليك منه ؟؟ لو يعرف يختار ما كان تطلقت بنته !! ابو خالد الكل يتمنى قربه
وهو جاء عندك ؟؟ وهو الي بطلعنا من الفقر الي احنا فيه والله ماينفعك ابو سعيد ولابيسدد ديونك ليته يسدد ديونه هو ...
ابو عبد الله اقتنع بكلام زوجته وقال : خلاص كلمي عبير واعطيني رأيها
ام عبد الله: ما عليك خل عبير علي انا بأقنعها انت كلم الرجال وبس

في اليوم الثاني كانت عبير تسولف مع اخواتها شوق و امل
ام عبد الله : عبير تعااالي للغرفه ابيك
عبير : الحين جايه ياماما
ام عبد الله : عبير اليوم تقدم لك رجااال وابوك وانا موافقين وهو رجال طيب وزين
عبير : وش تقولين ؟؟ انا اتزوج لا انا ما ابي اتزوج
ام عبد الله : انتي كبيره مو صغيره ولازم تتزوجين
عبير : لكن اخواتي شوق وأمل ماتزوجوا ليش انا أتزوج ؟؟
ام عبد الله : امل وشوق مخطوبات لعيال عمتهم وبعد مايخلصوا دراستهم بيتزوجوا
عبير : ومين هذا الي خطبني ؟؟
ام عبد الله : ابو خااالد
عبير : مييييييييييييييييييييين !!! ابو خالد الي هو ابو روان صاحبتي
ام عبد الله : ايوه هو رجال طيب ومحترم وغني
عبير : لاااااااااااا انا مو موافقه هذا اكبر من ابوووي كيف اتزوجه ؟؟
ام عبد الله : والله مو بكيفك ؟؟ بتتزوجينه غصب عنك واليوم بينكتب العقد !!!


الخبر جاء مثل الصاعقه على عبير و راحت في غرفه تبكي حاولوا اخواتهاا شوق وامل يهدونها لكن مافي فايده ...



بعد كتابة العقد وصل الخبر لأبو سعيد وغضب غضب شديد وصل الخبر الى ابو خالد حاول ابو خالد يتقرب من ابو سعيد وأرسل له مبلغ 50 الف لكن ابو سعيد رفضهااا

مرت خمس شهور وقرب موعد الزواج طيلة الخمس شهور كان ابو خالد يعطي الأموال الى ابو عبد الله ويسدد ديونه ويشتري لأبنائه عبد الله وسعود السيارات اصابهم الغرور وفرحوا بهذا الأموال وتناسوا سعادة ابنتهم عبير ومستقبلها ...

تزوجت عبير من ابو خالد والكل كان يستغرب من فارق العمر الكبير بينهم ..
ولم يحضر ابو سعيد الزواااج ...

خلال الشهر الأول عاشت عبير الخوف والقلق فكانت تبكي كلما تراااه وحاولت الهروووب كثيرآ ولكن ابو خالد كان يمنعهااا ...
كان ابو خااالد وزوجته وبناته يعذبووون عبير أشد التعذيب ويوهمونهااا بأن هناك وحوش تسكن معهم في المنزل كانت تخاااف وتبكي وتقفل على نفسها الباب بينما ابو خالد وابناؤه وزوجته يضحكووون .. وكانوا يحرمونهاا الأكل ويجعلونهااا تعمل الليل والنهار على خدمة ام خالد

بعد 3 شهور أخذ ابو خالد عبير و رماها في بيت اهلهااا وقال :
: بنتكم عندكم الحين لاتزعجوني ؟؟

جلست عبير تبكي عند امها وابوهاا حنوا عليهاا وحزنوا على حالهاا
بعد اسبوع لآحظوا على عبير التعب ..
قرر ابو عبد الله يوديها المستشفى وهناك جاء الخبر الصاعق : مبروووووك عبير حامل ؟؟
عبير اول ماسمعت بالخبر صرخت وبكت اما ابو عبد الله كتم الألم بداخله وصمت ..

كان هذا الخبر المؤلم الذي هز كيان عبير قد أثر على الجميع وعلى عمهاا ابو سعيد ايضآ ..
بعد تسعة اشهر رزقت عبير بطفل سمته عبد الرحمن اما ابو خالد فلم يكلف نفسه بزيارتها ولا السؤال عنها حتى سمع انها انجبت الطفل .. زارهاا واعطاهاا المال والهدايااا
صار يرسل لها ولطفلها المال كل شهرر وأحياناا يقطع المال عنهم فتعاني عبير من قلة الحليب والملابس لأبنها عبد الرحمن فوالدها يبخل عليها كثيرآ واذا طلبته شيئآ قال :
زوجك هو الي يصرف عليك ماهو انا ..

بعد مرور سنتين على هذا الحال جاء ابو خالد لأسترجاع عبير ..

ام عبد الله : عبيــــــــــر عبيـــــــر
عبير : نعم يمه انا عند عبد الرحمن
ام عبد الله : تعالي ابيك
عبير : اآآآآآمري
ام عبد الله : يابنتي انا ابي سعادتك والحين ابو خالد هناا
قاطعتهاا عبير : وش يبي ذا ؟؟
ام عبد الله : يبيك تروحين معااااه خلاص الى متى بتجلسين عندناا
عبير : يمممه هذا بيعذبني ومارح يعطيني حتى الأكل !!
ام عبد الله : لا هو قال انه بيسكنك في الفله الجديده لحالك ومارح يقصر عليك بشي
عبير : لكــــــــــــن
ام عبد الله : ولا كلمه يالله البسي عبايتك الحين هو الحين ينتظرك عند ابوووك
عبير : لاااااااا انا مابي اروووح
ام عبد الله تصرخ بوجه عبير : يالله البسي عبايتك ولا مارح يصير لك خير
عبير ماتقدر ترد على امهااا المتسلطه راحت تلبس عبايتهااا ودموعهاا على خدهااا
اخذت عبد الرحمن معااها ودخلت الفله الجديده
ابو خالد ترك عبير في الفله لوحدهااا ولا يجيها الا بالليل وبعدين يطلع ويقفل الباب وراه بالمفتاااح ..
عبير كانت تبكي الليل بالنهاار الأكل خلص وعبد الرحمن يبكي ولحسن الحظ ابو خالد نسي يقفل الباب هذا اليووم راحت عبير عند الجيرران تطلبهم أكل لها ولولدهااا ورجعت قبل مايجي ابو خالد لأنه لو شافهااا كان صار شي لايحمد عقباه ..
سكنت عبير في الفله لمدة اسبووع وجاء ابو خالد في آخر الأسبووع وقال لها يالله نطلع نتمشى
وراح بها لأهلها ورماها مثل المره الأولى ومشى وتركهااا ..
هذه المررره عبير كانت تصرخ وتطلب الطلاق وأرسلت الناس لعمها ابو سعيد حتى يطلقهاا من المجرم ابو خااالد ولكن ما باليد حيله ...
وبعد اسبوعين من عودة عبير لآحضوا اهلهااا التعب عليهااا وذهبوا بهاا الى المستشفى وهناك جاءهاااا الخبر الؤلم : مبروووك يا أم عبد الرحمن انتي حااامل ؟


آآآآآآآآآآآآآه هذه المره الثااانيه التي تحزن عندماااا تسمع خبر حملهاا بينماا يفرح الكثيرر من النساء بهذا الخبر وكيف تفرح وهي تذكر المستقبل السييء الذي سيعيشه هذا الطفل الذي لاحول له ولا قوه ؟؟

لم يصمت ابو عبد الله وأم عبد الله بعد هذا الخبرر وطلبوا طلاق عبير ولكن ابو خالد كان يهددهم بأن يدفعوا كل الأمووووال التي اعطاهم اياهااا حتى يطلقهاااا ...

انجبت عبير طفلا آخر وهو : وليد .. عاشت عبير أيااااما صعبه في حياتهاااا مرررت السنين وعبير الآن عمرهااا 22 سنه وتعاني من حالة نفسيه صعبه ولا أحد يلتفت لهااا حتى اهلها لم يعودوا يراجعون بهاا للعيادة النفسيه ...
وهذه السنه الحمد لله حصلت عبير على الطلاق ولكن بعد ماذاااا .. خسرت حياتها وخسرت أفضل سنين عمرهااا وخسرت صحتهااا ...........................

مــ ن ـقوٍل
الله لا يببلانا من ذولي الاهل من جد متخلفين كيف يبيعوا بنتهم وهي بها العمر ولاا لواحد بايع آحاسيسه وكرامته لانه لو عنده كرامه ما كان تزوج بنت

[اعلى من نجوم الثريا محلي]

هذا ظلــــــــــــــــــــــــــــــــــــــــــــــــ ـــــــــــــــــم حرام عليهم يا ويل قلبي هذا توها بنت ما لقول غير حسبي الله ونعم وكيل لا المشكله انا بعد شايب عمرك اكبر من عمر اوها وتبي تتزوج وحده عمرها 14 ياخي استح وخاف ربك وبعدين الاهل كيف زوجوا بنتهم فهل العمر وشوفوا هاذي اخرتها والمسكينه النبت هي مظلومه بالزواج

[miss كتكات]

حسبي الله ونعم الوكيل لــ هدرجه الفلوس كذا تسوي

يبعون ابنتهم عشان هذا الشي


الله يعافيهم ولا يبتلينا