يوميات مشرف مسكين....

[حرااام فيك الوفاء....]

يوميات مشرف مسكين ???
________________________________________
هذا احد المشرفين للمنتديات
والله يكسروون الخاطر مايستاهلوون
شوفوا الرسايل ونوعيتها الي توصل للمشرفين ..

*

الرسالة الأولى :

السلام عليكم ...

كيفك مشرفنا .. اقولك تكفى ترى أنا اضفت موضوع بس مدري شكله نزل ثلاث مرات بالغلط أحذف أي واحد فيهم .. اللي يعجبك أنت بس أشر واحذف ..

الرسالة الثانية :

هلا مشرفنا ..... اقلك شووف ترى في عضو قاعدلي كل موضوع يرد علي ويهينني قدام الأعضاء ... ترى لو ماسكته بسوي شي عمره ماصار ... واقلبلكم المنتدى .. وقد اعذر من انذر ...

الرسالة الثالثة :

ياااأبو الشبااااااااااااب ألحقني ... كل ما أدخل المنتدى يطلعني بره ... ومو راضي يدخلني وش الحكاية لا يكون الدخول بفلوس ...

الرسالة الرابعة :

هاااي مشرفنا ... ممكن لو سمحت تعدل اسمي من ... الى ...

الرسالة الخامسة:

كيفك مشرفنا ... عساك بخير .. الصراحة شخصيتك عاجبتني ولك هيببة في المنتدى بس ياريت يعني اذا نزلت موضوع ثبتلي اياه ترى انا زعلان محد يثبتلي مواضيعي

الرسالة السادسة :

ابوي اقلك شووف مني مسلم عليك ولا شي انت أصلاُ ماتستاهل كل ما انزل موضوع تحذفه لي .. عجيب والله ... ياخي مافيها شي لو الواحد يضحك شوية نمزح اخييييي

الرسالة السابعة :

مساك الله بالخيرشمعه المنتدى ...

اخوي الصراحة انا..ا ممم ودي أطلب طلب بسيط ... يعني انا ودي اتعرف كيف المشرف يتعامل مع المواضيع وكيف الطريقة يعني بالعربي الفصيح ودي الباسوورد حق نك نيمك اذا تكرمت ...

الرسالة الثامنة :

ياخي تراك زودتها ... شايف نفسك علينا وكل مانكلمك ما تعطينا وجه ياخي ترى الاشراف مو يعني صرت ملك ... استح على وجهك بالله .. قال مشرف قاال ... انت أصلاً خدام عندنا يعني تخدمنا .. اقوول بالله جيب واحد شاااي
<<<<<<< صحيح مايستحي على خشته



الرسالة التاسعه

(من المشرف العام)

السلام عليكم ..أخي
الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ....

بعدها طلب استقالته فورا وريح دماغه ...

وبعد يومين جاه طلب اشراف في منتدى ثاني ...

قال ... لو يعطوني راتب 1000000 في الشهر ماراح اوافق


الرساله العاشرة

يا مشرفي العزيز
كيفك
اخبااارك
ممكن طلب صغير بالحيل
اولاً ****اريد اصير مشرف زيك وبسرع وقت
<<<توه مشترك ومشاركاته ماوصلت 10
ثانياً*** اريد توقيع غير شكل
ثالثاً****اريدك تعرفني عالاداره فرداً فرد
رابعاً*** اريد اكون مميز وغيرولى اسمي ومكانتي
وياليت ياااليت اصير من ضمن الاداره

<<<<كل هذا ويقول طلب صغير

اتمنى يعجبكم
منقول لعيونكم



انتظر ردودكم....

[تقوى الهجر]

ههههههههههههه فعلا اشوف مثل هذي الرسايل احيانا

بس بالعكس اللي يشوف انو هذا دوره في المنتدى كمشرف ماراح يتضايق بالعكس راح يرد عليهم وبنفس طيبه بعد

ع العموم بعد هالموضوع اتوقع بنحصل مشاكل في اختيار المشرفين الجدد احس الكل بيقعد يتهرب

يعطيك العافيه وماقصرتي ع الموضوع والنقل الحلو

بالتوفيق ..

[شبيہ الريح]

هههههههههههههه

الحمد لله الى الحين ماجاني رسايل

وياليت تجيني رسايل

ابي احس اني مشرف

وموووضعك رووعه

يعطيك العافيه ...

[سيدة كل العذارى]

هههههههههههههههههههههه

مسكين يحق له انه يطفش

يعطيك العافيه


تحياt....