عاجز عن الشكوى

[اعلى من نجوم الثريا محلي]

في داخلي احساس يصرخ بجوفـي
ودّه يشق صخور ويزلـزل جبـال
وودّه يزيل بصرختـه كـل خوفـي
ودّه يبدّل ماانكتب لي مـن احـوال
بالله يا دنيا علـى النفـس روفـي
وش هو بقى من هم للقلب ما طال
عايش مع احزانٍ تعـدّت وصوفـي
عجزت انا منها ودمعي لهـا سـال
ما غير اخبّي عبرتي فـي كفوفـي
خوفي على دمعي من القيل والقـال
عاجز عن الشكوى وصعبه ظروفي
حتى المشاعـر كبلوهـا بالأغـلال
يا غاليٍ عنـدي عزايـه حروفـي
تطوي لك دروب ومسافات واميـال
ترى شعوري لك يحجبـه كسوفـي
بس لا تقول انك بعيدٍ عـن البـال
يا فرحتي لا قلت يا بنـت شوفـي
ماحدٍ ترى غيرك وثّق بـي حبـال
يا ما سرحت اتخيلك فـي طيوفـي
ويا ماعلى صوتك غدى الهم وانزال
أسألك ياللي عـارفٍ كـل خوفـي
وش حيلة مضيّع حياتـه بالآمـال
تايه بدنيـا مـا عليهـا حسوفـي
تحرقني الرمضا وادور عن ظـلال
غربة سكنت قلبي وعقلي وشوفـي
يا شينها غربه ويـا شينهـا حـال
هذي مشاعر صورت مـا بجوفـي
حزنٍ تمكن بي ولهفي على وصـال

[أستـــاذ الخيــانـــه]

غربة سكنت قلبي وعقلي وشوفـي
يا شينها غربه ويـا شينهـا حـال
هذي مشاعر صورت مـا بجوفـي
حزنٍ تمكن بي ولهفي على وصـال

كلمات معبررره

يعطيك العافيه وما قصرتي

[اعلى من نجوم الثريا محلي]

الله يعافيك ويشرفني مرورك


تقبل خالص تحياتي وسلامي