تزعلين وتقعدين

عافت الشمس المدينة وأعلنت وقت الـزوال
رغبةٍ للنوم منهـا مـع عيـون الناعسيـن
أبعدت من يوم شافت بالسمـا ضـيّ الهـلال
كنّهـا كانـت تهـزّا بالهـلال وتستهـيـن
كفكفت صبح التلاقي مـن ورا روس الجبـال
واستخارتني وراحت وابعدت عن كـل عيـن
وانتي أخطيتي خطاهـا وانعزلتـي بالوصـال
ولا رحلتي من سكات ولا وعدتينـي تجيـن
عشت عمري بالمحبة فـي سبيـل الاحتمـال
وانتي تعيشين عمرك ( تفرحين وتجرحيـن )
من غرورك في جمالك ما عطيتينـي مجـال
وأدري إنك تفهمينـي لـو بغيتـي تفهميـن
كنت أحسب الكره زايل والجفا لو ( طال زال )
ولا بديتي بالغـرام ولا بقـى فينـي حنيـن
أشهد إني مـا خطيـت ولا نويـت الانعـزال
وما خدعتك في غرامي لين شفتك تخدعيـن
اصدقي بالوعد مرة لـي ولـو فيهـا سـؤال
من عرفتك ما أذكر إنك توعديـن وتصدقيـن
كنت أشوفك من عيونك تأمرين أقوى الرجال
والله إني قبل أعرفك مـا هقيتـك تخضعيـن
كنت أشوفك تبعدين وقلت مـن بـاب الـدلال
وإن بعدتي عن عيوني قلت باكـر ترجعيـن
كنتي أكثر في عيوني من عدد وبـل الخيـال
وين أنا ما الد وجهي كنت أشوفك تضحكيـن
وإن بغيت أصد عنك من ( يمين ومن شمال )
ما قوت عيني تلفّت ( لا شمـال ولا يميـن )
عاشقٍ والعشق بلوى وأشهد إن الحال حـال
ولا تركتي رحمة الله ولا عرفتـي ترحميـن
وأدري إنك في غرامي للأسف نلتـي منـال
افترقنا فـي دقايـق والسبـب لعنـة لعيـن
حبك أشبه في غرامي ( بالوصال الانفصال )
ويلعـب الخفـاق لعبـة كبريـاء الخاضعيـن
بالهوى ماهي غريبـة نكبـة عيـال الحـلال
ولاني أول من يصون ولا انتي آخر من يهين
الصداقة في عيـون النـاس منفـى للعـدال
وكـان ردّت للصراحـة كلبـونـا مذنبـيـن
علّميهـا كيـف نصنـع صبرنـا والاحتمـال
علّميها كيف نفلح بالعمـل ( دنيـا وديـن )
علّميهـا فـي سوالـف حلّنـا والارتـحـال
علّميهـا كيـف نظهـر جورنـا للجايـريـن
علّميهـا يـا دقايـق ، علّميهـا يـا لـيـال
علّميها يـا عصـور وعلّميهـا يـا سنيـن
إن عشقنا ما بغينـا غيـر عشـقٍ بالحـلال
وإن نوينـا مـا لفينـا كـود نـاس طيبيـن
كامليـنٍ فـي عطانـا بــس لله الكـمـال
والرجل فينا غرامـه لـو يعيـن ويستعيـن
ابـدويٍ مـا يقـوده للـردّى شـد الحبـال
يعسف اليـدّ الشحيحـة للعطـا حتـى تليـن
همنا فعـل الرجولـة رمزنـا لبـس العقـال
وانتي المكياج كله صار في وجهـك سجيـن
عندك المكياج موضة تحسبيـن إنـه جمـال
صار همك فـي حياتـك تكشخيـن وتطلعيـن
والا أنا قلبي بقى لـي بالمحبـة راس مـال
والله اللـي مبتلينـي بالهـوى والله يعـيـن
إن بغيت أعشق أبالقى كثـر حبّـات الرمـال
لكن انتي لو بغيتي صعـب مثلـي تعشقيـن
قلت لك كل الصراحة وأختم أطـراف الجـدال
وإن زعلتي من كلامي ( تزعلين وتقعديـن )

عشت عمري بالمحبة فـي سبيـل الاحتمـال
وانتي تعيشين عمرك ( تفرحين وتجرحيـن )

صح لســانكـ

تقبلي مروري ,,,