إنتصر يأس حبي

إنتصر يأس حبي وانتهى من رجايه
وابتدى شكِ يظهر في خوافي ظنوني

الله يسـامحـك ماظـنـيت هذا جزايه
كيف تبكي عيوني دام ظنت عيوني

احسب انك بدرب الود تمشي معايه
كيف تقسى عليه وانت قلبك حنوني

احسبك ماتصدق في هواي الدعايه
يوم انا في فيك ما أصدق لو يعذلوني

لاتقولون ياعذال ويش الســوايه
انشدو من بدأ بالهجر لاتنشدوني

انشدو من على صده تحطم هوايه
عقب ذيك الصداقه كن ما يعرفوني

صار حبك وحبي ياحبيبي روايه
مثلوها العواذل من لقاك ابعدوني

دائم ارعى خيالك في صباح ومسايه
اذكرك وانا اللي في هواك مغبوني

ليتني مادريت ولاعرفت النهايه
مير هذا مقدر لازم انه يـــكوني

عط حنانك لغيري لاتسل عن عنايه
خل ذكراك لي وانتم لاتذكروني



تحياتي ...

ليتني مادريت ولاعرفت النهايه
مير هذا مقدر لازم انه يـــكوني

قصيده روعه من شخص اروع

ووينكـ اخوي من زمان عنك وعن مواضيعك

ان شاء الله ترجع لنا

يعطيكـ الف عافيه

تقبل مروري ...