الفرق بين البنت الدلوعه = الناعمه والبنت العربجيه

الدلوعة. .وهي نايمه الدبدوب والأرنوب كلهم بحضنها ماشاءالله الغرفه صارت محل ألعاب
وإذا قامت من النوم ماتقوم الا الساعة 1 الظهر لابعد واللي يصحيها الشغالت تقومها بالإنجلش
بس أنا راح أترجمه لكم>تورطت<

يالله مروى قوم ماما قول قوم
عاد هي تقول أوكي وتجي أمها وتصحيها مرة ثانيه مروى حبيبتي أصحي
ترد مروى. .ماما والله بدري الساعة1بدررررري تدلع هي وخشتها . .يقالها تو الناس بدري )طيب ماما من عيوني(
قامت البنت من السرير وفتحت الستارة والشبابيك علشان الغرفة تتنفس . . . .يااااااااي وشغلت موسيقى رومانسية علشان تروق بنت الحلال وراحت تآخذ حمام محترم وبعد ماتطلع من الحمام
على المراية تحط من هالكريمات والدعافيس على وجهها
تعرفون لازم تحافظ على البشرة
خلصت من المراية وتتجه الآن إلى الإستشوار..وش..وش..وش..وش..وش لحوووول ساعتين عزالله اللي أندمرت هالشوشه
خلصت منه
دقت البنطلون الجنز والتي شيرت
ونزلت تحت تفطر على كاس عصير برتقال<<<يالبرتقاله عذبتي حاله مسويه رجيم

نجي للعربجية تقوم الساعة8 وهي ماودها تقوم وجات أمها تقومها سوير قومي يامال الحمى
لحووووووووووول
زين زييين . . تنفخ بعد
بس لوتشوفون شكلها وهي نايمة كشتها واقفه والسعابيل وعععع لاوكل ثلاث ساعات وهي طايحه من السرير
يجي أخوها حميد)اسمة محمد ويدلعونه حميد( ويقومها مره ثانية سويره تقول أمي قومي جعلك للموت.. ترد سويره..أقووول أطلع والا صكيتك على جبهتك
ويجي مناحي الأخ الأكبر لسوير . . سويره وجعععع ويعطيها ذيك الرفسه اللي خلت عظامها تهلهل وبعد تلك الرفسة العنيفة فزت فره مايعلمها الا الله وقالها مناحي
قومي صلحي الفطور عشر دقايق الا هو جاهز زين
شوفي أبي قرص وخبز مسح)أي خبز على الحديده(
وقامت بعد جهد جهيد وعلى شتم ولعن الحي والميت حتى ولد عم جد أبوها ماسلم منها

الأن نعود الى الأخت الناعمه هذي ماتتغدى الا الساعه3أو5 لاولا تتغدى الا رز أبيض مسلوق >بغيت أقول مسروق<وسلطة <<تحافظ على الرشاقة

العربجيه تتغدى الساعه12 بالضبط ولاتتغدى الا على كبسة لاخلصت الا كاس لبن المراعي متولم عندها تشربه مره وحده يعني مافيه مجال أنها تتنفس وتترع ذيك الترعه اااااععععع طالعه من قلبها

الناعمة طلعتها تكون بعد المغرب ماتطلع في العصر يااااااي تحافظ على بشرتها

العربجية تطلع الساعة2 القايله وتدقها كعااااابي لبيت خوالها إلين تنقلب خبز أسمر من الشمس

الناعمه تروح الفيحا والا النزهه وقبل ماتروح تمر عالمشغل عشان تحط ميك أب سوق

العربجية تروح لسوق الجمعة)على فكرة ماعندنا بالمدينة سوق جمعة(عشان تلاقي العرابجه اللي مثلها

الناعمة إذا طلعت تطلع مع يارا ولارا>وخياره<ورولا ومايا

العربجية تطلع مع بنات خالاتها وضحى وشقحى ومزنه ومنيرة وترفه

الناعمة إذا شافت واحد حلووووو لابس صح وماركات وحركات وحاط سكسوكه ومحد قده قالت ياااااااااي يابنات نازروا>يعني ناظروا هذا الله يسلمكم بس من الدلع<ياربييييه وااااااو عاد البنت أعجبها الشاب اللطيف هذا وودها تحتك فيه وتقوم وتمر من عنده وتدفه بكتفها ولادفته قالت أووووووه آسفه ويرد عليها لاعادي على أيش الأسف ياعيوني وتبتسم ذيك الإبتسامة اللي شقت وجهها وتعطيه هالنظرات وتسلهم بها العيون وهو دوره ماتلقاه من الحياء

العربجية لاجات تتمكيج شخطت هالعيون بهالكحل ولبست البرقع وطلعت هي وشقحى ومنيرة ومزنه وترفة لسوق الجمعه
عاد العربجية يمر من عندها واحد راكب جيب فكس آآآآر موديل2002وداق شماغه كوبرى ويمر بهالجيب ويسوي حركات أستعراضية وتقول يابنات تكفووووون ياوييييييلي ويلاااااااااه تكفون يالربع

وتقوم بنت الحلال وتقززززه قز والرجال راح بخرايطها وعاد لاشافها تقزه قال ياغزال أرحم حالي
ياويلي تكفون يالعربان

الناعمة . . إذا مر عليها واحد قروي قالت وعععععع الله يقرفك تقل شايفه صرصور الله يعزكم
نعم وش تبي يالله هناك بلا قرف

العربجية إذا مر عليها واحد لابس تي شيرت ضيق وبنطلون ضيق وقالها ياحلو عطيني وجه قالت
أقول أحسن لك ضف وجهك لايجيك شي مايطيب خاطرك
قال ليش العصبية هذي
قالت أقول والله لو ماتضف خشتك لا أتوطى في حوض بطنك علم جاك ويتعداك ترا مابي أغلط عليك تراك مثل أختي )يقالها ماغلطت الحين(
والله بصراحه شكله بنت

الناعمة لا جات تضحك هههههه يادوب تسمعها من النعومه

العربجية إذا ضحكت ضحكت كذا)هع هع هع هع ( الحمدلله والشكر وإذا جات تمزح مع أخوها حميد عطته كف حلاق)يعني كف قوي عالرقبه(وكسرت رقبته

الناعمة إذا تحب تسمع أغاني ماتسمع عربي كلش ماتسمع الا ريكي مارتن طبعا لأنه حلووووووووو
وممثلها المفضل توم كروز لوسامته وميل جبسون وجيم كاري لخفة دمهم وأحلى ممثله عندها جوليا روبرتس )حتى أنا بعد أحبها إذا جتني بنت سميتها عليها عشان تعطيني السماوه(

العربجية الأغاني اللي تسمعها
خلف بن هذال
وحجاب بن نحيت
وبشير حمد شنان
وعيسى الأحسائي
وخالد الملا

الناعمة لماتتفرج على التلفزيون تجلس على الكنب وتحط رجل على رجل وتبتسم لأن الإبتسامة تضفي على الوجه البشاشة

العربجية لاجات تناظر التلفزيون تشوف غصب الأولى وغصب الثانية وتجلس على الأرض وتحط المركا وراها وإن زهقت من القناة الأولى دقت التلفزون بأصبع رجلها وحطت القناة الثانية

الناعمة إذا تبي تحلم أحلام اليقظة طلعت برى في حديقة بيتهم وجلست على الكرسي الهزاز وقام الكرسي يروح ويرجع

العربجية إذا تحلم أحلام اليقظة طلعت برى في حوشهم وفرشت البساط)أبو خمس طعش اللي مخطط بأحمر وأزرق عرفتوه (وتكي على المركا وتفكر في المروخ)شي مختلط من فكس أبو فاس مع حثال قهوة وشوي تمر(
كلمات رائعه استوقفتني كثيراً
معاني صادقه عزفتيها على قيثارة القلب
لنستمتع بجمال الحن الذي يطرب الاسماع

ههههههههههههههههههههههههههههه
عندي ملحضات
يعطيك العافيه سلمت يمناك على الموضوع المشوقـ
اختيـ:(اعلى منـ نجومـ الثريا محلي)
لاهنتي غلايـ
تقبليـ مروريـ
اخوكـ:(رعشـ قلبيـ)

ترا مابي أغلط عليك تراك مثل أختي )يقالها ماغلطت الحين(
والله بصراحه شكله بنت

ههههههههههههههههههههههههههههههههه

والله موضوع يشدك تقراه غصب

بس موضوع اللي ما قراه فاته ثلاث ارباع عمره

يعطيك مليووون عافيه

ولا تحرمينا مثل هيك مواضيع