السلام عليكم
شلونتكم شخبارتكم انشالله تمام
يلا تمقلووا بالموضوع على راحتكم :
1- ليش لي طلعوا ربع المعرس من الصاله تحلى روحت البنات حق الحمامات.. الله يشافيهم
2- ليش صارت حفلات الاستقبلات عندنا على اي شي مو باقى الا يسوون حق العزا بعد .. ياخي الفلوس زايده
3- ليش لما نقعد بالحمام حشاكم نعد البورسلان اللي بالطوفه....ماكو شغل صح
4- ليش البنت لي شافت واحد حلو تخفف عشان تبي تشوف لوحة سيارته العاصمه ولا الفروانيه .. لول فيها عقده نفسيه الحبيبة
5- ليش لي صرت منتف وماكو بيزات تخترب السياره خراب جايد .. هي ما تعرف المصايب ما تييك الا اذا كنت منتف
6- ليش البنات اللي يسوقون رينج وديسكفري يلبسون ساعات كبيره ويحطون ايدهم على الجام .. يعني شوفوا الساعه مالت عليج اكبر من ويهج
7- ليش ضباط العاصمه اللي توهم متخرجين يسوون تفاتيش علىشارع الحب...لهدرجه فيه مجرمين
8- ليش ماينقولن شويخ الصناعيه والجي ون مكان ثاني ويسوون مكانها مناطق سكنيه
9- ليش هالخبه اللي صارت حق بشار بالمطار واللي طلع الاول في الوطن العربي بحفظ القرآن كويتي محد عبره .. الخبول وايد
10- ليش هابين يدزون فايروسات من ايميلات غريبه واحنا ما نعرفهم ولا يعرفونا .. هذا واحد متخلف يحب الخراب
11- ليش اغلب اللي يطلعون من الصالحيه مو شارين شي....معقوله مو عاجبهم شي هناك
12- ليش امريكا ماترجع قواتها لي حدود الكويت وتخلي العراق بكيفهم....خوش كلام والله
13- ليش المتحجبه لي يا الشتاء الا تبي تلبس بوت وتنوره قصيره.. غصب غصب كوووول
14- ليش البنات لي شافوا واحد ماشي مع زوجته قعدوا يقارنون بينهم....من طلب رايكم
15- ليش كل واحد شراله تلفون بوكاميرا ويصور اي شي ويسويله ايميل مليق.....ماكو شغل صح
16- ليش مايصير العكس الشباب كروت ايزي والبنات فواتير ..عشان يحسون شوي ويجربون الرنه الوحده
17- ليش بعض الشباب ما يستحون على دمهم ويخزخزون المره اللي ماشيه مع ريلها...طرطور اللي معاها
18- ليش مافي شي اسمه صداقه بين بنت وولد كله يبون حب وخرابيط واخر شي فركش...منو يتعض
19- ليش الشباب يلحقون البنات لي بيوتهم واخر شي يتوكل على الله .....كفو ولد بلادي يخاف على بنت ديرته
20- ليش اللي نحبه ما يبينه واللي مانحبه ميت علينا .. من قراد الحظ
21- ليش البنات اللي يركبون ورى الشباب بالسياكل لبسهم من خان الخليلي وزينه .. هذيل عزكم الله امسك ايدي والحقني
22- ليش في بنتين هلاقه مرتزين في ممرات العلوم الاداريه واهما مو طالبات ومحد يعرفهم....يمكن نقص
23- ليش لما يصير في تنزيلات في فيلامودا البنات ما يتحجون ويروحون بسكات.....نحاسه والله
24- ليش الاصيلين يقولون ماناخذ بيسريه واخر شي ماخذله من بره الديره......لك تأبرني
25- ليش لما نمسك مجله ليالينا ندور الحلوين ونقرا اساميهم .. زهقنا من الجكر
26- ليش الامهات بالعروس ماتخلي وحده ماتخطبها حق ولدها وولدها مايبي يتزوج....خنت حيلي غصب يتزوج
27- ليش طلبة الجامعه يفتشلون يقولون انهم ياخذون اعانه مع ان سموها مكافأة....صب وحقنه لبن
28- ليش امهات العبي هابين يطلعون البنطرون من فتحت العبايه يعني احنا كووول....خنت حيلي من الكبت
30- ليش كل ماتروحين توب شوب تلاقين بويه معاها وحده يايه تشتري لها اغراض
31- ليش بعض الشباب يدشون الضاحيه يعني ساكن هناك واخر شي كارف المطبه...اكيد ساكن يالحبيب
32- ليش بعض البنات يحفظون اسامي ضباط الدوريات وزاماتهم بعد.....ابي اتزوج ضابط
33- ليش الجنوس يغارون من البنات ولي شافوهم بره يعطونهم نظرات خايسه....اي البنت شكو
34- ليش البنات يوم الملجه تدز اخوها عشان يشوف سياره المعرس...بالله متسلفها شلون ماكو زواج
35- ليش البنت اذا واحد يا يشوفها تشوف حشاكم نعاله من الرتاج ولا النصر الرياضي...اعتقد مخه بنعاله
36- ليش الدكاتره الشباب اليدد اول سنه الكشره هالكبر وثاني سنه تخاف تسأله لايطقك بكبر ماعنده
38- ليش السنه لبس تخريج طلبة ضباط الشرطه جنهم اللي يصفطون السيارات بالشيراتون
39- ليش البنت لي شرت موبايل بوكاميرا تصور عمرها تقول عارضت ازياء ولي انباق تقول صووووووري فيه
41- ليش السمر الا تبي يصير لونها برونزي واهيا تعدت درجه البرونزي ....مايصير ياماما والله غصب اهوا
42- ليش البنات العيايره لي شافوا بويات قعدوا يتحرشون فيهم.....يمه منكم صج عيايره اي خلوهم
43- ليش البويات طايحيله حديد في نادي الهلال الاحمر....الظاهر يتزهبون حق العرض بالمسيله
44- ليش لما يدشون الريايل مع المعرس يحط الدي جي اغاني ترقص والبنات يموتون قهر .. اي بعرس اخوي لما رقص اشوفهم حاقدين علي ليش مادري
45- ليش الشباب يلبسون برموده وحشاكم نعال زنوبه حق الجامعه....داش حمام الحبيب
46- ليش قناة الجزيره تبكي على اللي حاصل بالعراق والطيارات الامريكيه تطير من عندهم...شهالنفاق
47- ليش لي صارت محاضرت البنت بكيفان لبست اي شي وبشويخ تكشخ على سنجت 10
48- ليش اخر ورقه في كلينكس التعاون فيها خط احمر وكلينكس الجمعيات خط بنفسجي...سبحان الله
49- ليش مايسوون صاله خاصه حق المدخنين بالسينما عشان ياخذون راحتهم...اي كيفهم انشاءالله يموتون بس نبي زقاير
50- ليش البنت العصله اللي مهي قادره تمتن تقول انا جسمي جسم عارضات.....على خيرت الله
التسجيل السريع إلى المنتدى
17-11-2005, 02:26 PM
ليش ليش ليش ؟؟؟
العرض العادي
