طبع الليالي والايام

ويلاه..من طبع الليالي والايم
احد تبرأمنه واحد اتماشيه

واحد تمر أيام وأيام ما نام
سود الليالي عن منامه تقذيه

يطوي على همهضلوعه وينظام
ولا يشتكي للناس من ما يعانيه

يخاف من هجة عدو ونمام
يضحك وما في القلب يخفيه

واحد عثر حظه ونوخ ولا قام
لو صاح أعلى الصوت محد بيوحيه

يمضي عليه اليوم في حسبه أعوام
كن الزمن قيد يجود خطاويه

احد ترفرف له ذعاذيع الانسام
وتمشي على كيفه ودام تباريه

ما عض يوم من الندم راس الإبهام
حظه على طول الليالي مصافيه

ولا تعلا طير فكوه ولا حام
ولا كفخ ون جور خل مجافيه

وذي حالة الدنيا بها حظ وأقسام
احد تسومه هم واحد تواسيه

ومن لا عرف طبع الليالي والايام
ان ما تبرت منه عيت تماشيه