قصيده البنشر والذيب

[باكو]

[glint]

[grade="000000 000000 000000 000000 000000"]

[grade="000000 000000 000000 000000 000000"]

لي ثلاث ايام مـا جانـي كفـر=واعنـا قلـب المبنشـر واعنـاه

واقفـن مابيـن رفحـا والحفـر=بنشر الحنتور واستملـس سمـاه

طحت في خطن جلد كلـه جفـر=ارض جردا ما نجا حين وطـاه

ارض صبخا ما بها ريحة شجـر=تستحي تسكن بها حتـى السفـاه

السبير انشـق مـن مـدة شهـر=وضاعت الرقعه اكيد احدن خذاه

وين مفتـاح العجـل مالـه اثـر=من سرق عفريتتي هـذا عصـاه

يوم حل الليـل والنـور انحسـر=ابتدا ذيبـان يستعـرض عـواه

دق لي سرحان ناقـوس الخطـر=كان هو جيعان خلانـي عشـاه

بي جلادة بدو لو ربعـي حضـر=ما يخوفني عـواء ذيـب الفـلاه

بتت وسط الجيب والدنيـا مطـر=جايعـن بـردان يـا الله النجـاه

ليلتـن خرمـس تمنيـت القمـر=لجل اشوف الذيب وشـو منتهـاه

ليلتن شلتى والامعط مـا شعـر=لا قعد بارضه ولا ربـي هـداه

المطـر والبـرد لقاهـن ظهـر=ناوين لـه واحـدن ربـي بـلاه

عنده انه با العـواء يرمـي درر=وشهي الدبره لمن حظـه رمـاه

قمت ابسحب فروتي طاحت حدر=فوقهـا مطارتـي منكـب مـاه

ليلتن من طولها صـارت عمـر=ما تفيدن قولتـي ويـش السـواه

صرت اهيجن لين ما شق الفجر=منحشر هلكـان وسلاحـي قنـاه

احمد الله يا عـرب ربـي ستـر=النهار ارحم مـن الليـل وشقـاه

يوم صار ضحي مديـت النظـر=المطر كل الـذي حولـي مـلاه

صارت الصبخا من الديمه بحـر=من نوى يمشي تعثر فـي خطـاه

سرت مشمل يا عسى حين يمـر=عشر كيلو يمكـن اكثـر باتجـاه

مومنن يا خوك في حكـم القـدر=واعرف الله ما يخيب من رجـاه

عند اذاني تقل بـه شـي يهـدر=استدرت وقمت اشاور با العبـاه

احمد الله ساق لي راعـي شفـر=اجودي با الحيل ركبنـي معـاه

موتـره مضبـوط لعنبـو الفقـر=ودي ادري بس من وين اشتـراه

قلت هذا جمس قال اسمـه همـر=شد في دترويت ماهو في مـراه

الاكيد انه مصنـع مـن حجـر=كان هو مية سرنـدل مـا كفـاه

ضاع جوعي تقل شبعانـن هبـر=صرت امددح فيه واشكر بخويـاه

قال وين انت امتعطل يـا بشـر=قلت هذي جررتي سيروا حـذاه

جيت للماخوذ يـا وجـه القشـر=قـال هـذا موتـرك رديـت اه

المعاون قام فـي لمـح البصـر=حربث وهمهم اظـن انـه قـراه

مادري وشلون قالوا بـا الكفـر=ادخلوا بـه سيـم قالـوا ذا دواه

اسحبوا جيبي شوي عـن الحفـر=قال لي حرك قبل يدمـس مسـاه

قلت عشتو دربكـم كلـه خضـر=جاوب اتبعني ورحت اسحب وراه

النصيحـه للـذي ينـوي سفـر=التهقـوي علـة القلـب وعمـاه

شل معك قربه وشل خيشة تمـر=وشل معك عده من الفه لين يـاه

وشل معك شوزن وكبريت وسمر=مخطين من راح من دون خويـاه

اعتبر هذي نصيحه مـش امـر=مثلكـم يفهـم وقصـدي ماخفـاه

لا تضيع التجربه عنـدك هـدر=الذكي منهوا يترجـم مـا قـراه

الشاعر:أحمدالجريفاني

لكم خالص تحياتي بــــــــــاكو!!]

[/grade]

[/grade]

[/glint]

[اليتيم]

يسلمووووووووووووووووووو اخوي مدري اختي على النقل الجميل

وصح لسانك تأبرني على هيك قصيدة


ننتظر جديدك وإلى الامام بإذن الله

[باكو]

اليتيم مشكور على المرور وان شاء الله بهمتكم نشد سوى

لك خاص تحياتي


باكـــــــــــــــو؟؟