00 !~¤§ وش هالمحبه ؟!! §¤~!00
أبعدت أبا شوف عندك ويش هـو قـدري
باشوف إذا ابعدت شوقك يصبح زيـاده ؟
أو انـك بـزود ثقلـك تختبـر صـبـري
كم مرتن قلت : اتـرك منـك هالعـاده ؟!
اليوم توك سألت .. مـا كنهـا بـدري ؟!
من أمس وانا أنتظـر .. بللـت الوسـاده
ساهر واناجي الليل .. والليل بي يسـري
والقلب منـي انفطـر مـا حقـق مـراده
إن غبت غصبن علي .. ما تقبـل لعـذري
عودتنـي قلبـك القاسـي مـع عـنـاده
أغيـب وارجـع ولا يهمـك ولا أطــري
ماتخاف ربـي لا تسـأل عـن عبـاده؟!
يكفـي تغلـي تـرى كثـر الغـلا يبـري
والبعـد يامـا شربنـا قهوتـه ســاده
وياما شربت القهر وانتـه سبـب قهـري
قلبي تصبّـر وطـول الصبـر مـا فـاده
وش هالمحبه ؟!! كرهت الحب يا عمـري
دام إن قـدري رخصتـه وأعلـن حـداده
عفت المحبه خلاص .. وأقولك .. تدري ؟!
عفت الهـوى واعتبرتـك آخـر أعيـاده
اعجبني فنقلته
تـ ح ـيااااااااااااااتي..
23-07-2008, 05:50 AM
$$ وش هالمحبه ؟!! $$
رد: $$ وش هالمحبه ؟!! $$
العرض العادي
