تكفى يا أبوي لا يغسل جثتي غيرك..

[مكفخة عيال الحارة]

[align=center]يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل الموت تبكيني

تكفا يابوي لا تبكي وأنا موجود معك وحـي ؛،؛ أجل بعد الرحيل أشلون في قبري توطينـي



أبوي لو تموت الناس ماتسوى دموعـك ذي ؛،؛ وأنا يابوي ميت قبل أموت وأنـت محيينـي



قسم بالله يابوي لجل عينك شربـت الغـي ؛،؛ جرعت الهم والحرمان وبحر الويل يسقينـي



تحملت السنين اللي طوتني في عذابي طـي ؛،؛ وصار الجمر بكفوفي .. وتحت أقدام رجليني



يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـا لا تخلينـي



يابوي مابي غيرك يغسـل جثتـي بالمـي ؛،؛ وتكفا قبل لا أتكفن .. يابوي فكلـي عينـي



بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنيـاي وسنينـي



وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي



وإذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي


وحط الطين وأدفني وعز اللي يعـزي فـي ؛،؛ ثلاث أيام يابـوي .. يواسـوك المعزينـي



ورابع يوم يا بوي تذكر .. ضحكتي وعني ؛،؛ تذكر وش كنت أقول يـوم أنـك تنادينـي



تذكر يوم كنت أنام في ظل النخـل والفـي ؛،؛ تجي يمي تصب الماء..على وجهي وتصحيني



تذكر جرة الموال وصوت في حبالـه كـي ؛،؛ تذكر يوم أغني لك قصيدي وأنت توحينـي



تذكر ضحكتك لا قلتلك يابوي عشقي هـي ؛،؛ تذكر كم قصيدة خافيه مـا بينـك وبينـي



تذكر كل شي كان وأذكر يـوم أنـا حـي؛،؛ولكـن أسالـك بالله يابـوي لا تبكيي[/align]

[ملطشة عيال الحاره]

صح لسانك كفوخة
وعساك على القووووووة
والله الكلام قوووي والصراحة ماقدرتاتحمل ونزلت دمعتي
بس كلام بخلي كل انسان يفكر فيه
واصعب مافي ها لدنيا المووووووتوالوداع الله لايكتبه على مسلم

تحياتي
لطوشة

[مكفخة عيال الحارة]

صووووووووووح البدن

والله الكلام قوووي والصراحة ماقدرتاتحمل ونزلت دمعتي<<أنتي عاد لو قالولك عينك براسك بكيتي

تسلمين يا عسل على مرورك

ما أنحرم من طلتك

الله يقوييك

تحياتي لك

[ღنفســي عزيــزهღ]

قصيده ابكتني والله .. مرره كلماتها قووووووويه ..


صح لسانك خيتوووو..

[مكفخة عيال الحارة]

نفسي عزيزة

تسلمين على المرور يا عمري

ما انحرم من طلتك يارب

تحيتي لك