تحدي !! مـن القــائــل ؟؟؟؟

[وش السالفة]

غناها محمد عبدهـ يالبيه على اغانيهـ

وقالها طلال الرشيد الله يرحمهـ

طيب هالقصيدة روعة بكلماتها لميين؟

صحيح الجرأة تنقصني وصحيح ضعيف شخصيه
ولـــكن لــو تشوف الشـــــــوق فـي عيني بتعذرني

انــا جيــتك وكـل هــموم خلــق الله تـرا فيّه
وادري فيك لـــو تبـــغي (انت)تفهمني بتفهمني

تـعــبـــت كــثيــــر المـح لك واقــــول بيفهم شويّه
وادري فـــــيك فاهـــمـــني و بس ودك تـــعـــذبني

وانا راضـي بتـــعــــذيبك وبتحـمــل بلاويّــــه
ولـــكــــن لا تـــزودها مـــعـــايـــه ولا تبهدلني

احسك تلعب بقلـــبي لعب شرطـــــه وحـــــراميّــــه
انــــا استسلمـــت ما بلعـــب (كـفاية) لا تـــــلاعبني

اقـــــولك هالـــسمـــــا زرقا ؟ .. تـقولي لا سماويّــه
اقولك انزين سماويه تقولي لا تغلطني

تقولي الورده ذي اي لون اقولم هذي ورديّه
ترد تقول لا حمرا عسى الله بس يصبرني

اذا ناوي تعقدني وتلعب يا الغلا فيّه
تراني معقد وخالص ومو ناقص تعقدني

دخيلك مدلي يدك وانا بحضنها بايديّه
دخيلك قرب شفاتك دخيل الله عانقني

وخل خدك على خدي يا احلى خدود ورديّه
وعينك خلها بعيوني تعال اسكنها واسكني

نعم سبحان من سواك اخذت من كل شي اشويّه
وهالشي اللي جنني واكثر فيك حببني

عيونك غير باقي الناس احسها عيون قطريّه
ترا في شي بعيونك احسه دوم يجذبني

وخشمك سيف ما يرحم من سيوف السعوديّه
وانا يمك احاسب دوم اخافه بس يطعني

وحبة خال في وجهك تقول دانه كويتيّة
ومن يكسبله الدانه يعيش العمر متهني

ومن البحرين حتى خذت حواجبك الهلاليّه
وشعرك موج اماراتي سبع مرات يغرقني

وطيبة قلبك انت غير ..نعم طيبة عمانيّة
يا اطيب قلب في الدنيا متى باحساس تاخذني

واذا سولفتلي كن السوالف هي عراقيّه
ولك يابا شردت مني تريد انت تعذبني؟

نعم ما كنك الا يالغلا وصفه خليجيّة
جمعت بلدان في وصفك في شخص واحد يا فاتني

تصدق يا اعز الناس انا ايدي وهي ايديّه
اذا لمست طرف شعرك ابد ما ودها تتركني

اذا موج الشعر جاها بتسبح فيه وبفيّه
الين احس بايديني وكن الماي بللني

واذا نزلت ايدي اكثر على خدك احس فيّه
نسيت الدنيا والعالم واحس انت تحكمني

واذا جيت اوصف احساسي لساني يثقل شويّه
واتم ساكت واطالع فيك واقول الحين بيفهمني

ولكن انت مادري ش فيك نوى قلبك على نيّه
ولا ادري وش نوى قلبك دخليلك قول وصارحني

ابا اعرف بس شي واحد يا اقرب هالبشر ليّه
واذا لي خاطر عندك ابيك انتا تجاوبني

لا تستهبل ولا تعاند ترا والله ما فيّه
ولا تقول انت ليش اليوم ودك بس تحرجني

ابا اعرف ليش امس لما طلبتك خافقك عيّا
وانا والله كل قصدي احس بس انك تحبني

افا والله كيف تصد عني بنظرة عاديّه؟
افا والله ما توقعت بهالقسوة تعاملني

وشفتني كنت متردد ولكن قلت يا حيّه
ما دام انه يلمحلي اكيد انه بيوافقني

لانه قام وسمعني واهداني اغانيّه
وقلبي من كثر ما دق توقعت انه يخنقني

تبي الجرأه انا حاضر ابا اتجرأ ولا ليّه
واقول اللي تبي تسمع ولكن انت سمعني

انا نفسي تقول اني في عمرك شمسك وفيّه
ابي تمدحني لو مره ابوس ايدينك امدحني

ابي اعرف كيف احساسك تجاهي يا اغلى من ليّه
تحبني ولا بس لاني احبك قمت تجاملني

تكلم لا تحيرني ترا الكلمات عفويّه
اقص ايدي اذا ما كان ودك بس تحيرني

دخيلك غمض عيونك واسمعني وحس فيّه
انا والله احبك موت ولا غيرك بيعجبني

واذا اني كنت انا يمك ترا الفرحه خياليّه
اطير بفرحتي واسرح لكنك تقومني

انا من كثر ما احبك احس روحي انانيّه
اذا غيري لمس ايدك احس انه يموتني

وانا والله مب ناقص ترا يكفيني ما فيّه
ابا اتقرب انا صوبك ولكن انت ساعدني

هذا كل ما عندي كتبته وبحسن نيّه
قسم بالله وانا اكتب احسك انت تكتبني

ترا الايام يا بيضا و سوده مش رماديّه
وخلك يا الغلا واضح دخيلك لا تلوني

صحيح الجرأه تنقصني وصحيح ضعيف شخصيّه
ولكن بس ابي منك شويه بس تدفعني

بعدها لا تسوي شي واترك كل شي ليّه
ولكن بس لو مره بحبك (انت) حسسني

[شبيہ الريح]

طارق المحياس


وليله كانت الفرقى
وقالت لي .. فـ أمان الله
وليله ذكرها يبقى
على جرحي .. ولا أنساه
وجت تاخذ رسايلها ..
وخصله مِن جدايلها
وتدَّيني جواباتي ..
بقايا عمر بسماتي ..
وقالت لي .. فـ أمان الله
* * * * * *
في ليله كنها الَّليله ..
عرفتك بسمتي وفجري
وليله زي ذي الَّليله ..
وهبتك في الأمل عمري
وياليت البسمه ماكانت ..
ولا الإحساس
وياليت الدَّنيا خانتني ..
وكل النَّاس
ولاخنتي هواي إنتِ
ولاقلتي .. فـ أمان الله
* * * * * *
لاتردين الرسايل ..
ويش أسوي بالورق
وكل معنى لِلمحبَّه ..
ذاب فيها وأحترق
لو تركتيني في ليله ..
بسمتِك عِند الرَّحيل
دمعة العين الكحيله ..
عذرها الواهي دليل
وليله كانت الفرقى
وقالت لي فـ أمان الله

من القـــائل ؟

[وش السالفة]

كلمات الشاعر بدر بن عبد المحسن

وبعد غناها محمد عبدهـ

******

وهاذي الكلمات لمين؟
مات الجمر وقلوب الاحبـاب حيـه ..
. والموت لا ماتـت قلـوب الحبايـب

ياشيشتي لو فيـك ذنـب وخطيـه ..
. معاك احس اني عن النـاس غايـب

العام كانوا لي من الاصحـاب ميـه .
.. وقت الرخا لكـن جفـوا بالنوايـب

لاهنت يا قلبن شكـى مـن خويـه ..
. كم راس من طعنات الاصحاب شايب

مرات اقـول ان الخبـل يـا هينـه .
.. ولقيتهـم يشكـون ظلـم القرايـب

ومرات اقول النـذل لا رحـم حيـه .
.. واثر النذل في بعض الاوقات صايب

يا نفـس شيليهـا علـى السامريـه .
.. شيلة طرب ماعـاد فيهـا طلايـب

وش لـي بتنبيـه القلـوب العميـه ..
. وحنا في هالدنيـا دروب وركايـب

ابتغـزل فــي هـذيـك البنـيـه .
.. بنـت تفـل القلـب فـل الذوايـب

كـم بعثرتنـي واجمعتنـي هنيـه ..
. بنفس المكان اللي جمعنـا غرايـب

يا ضعفهـا معهـم وعنـدي قويـه .
.. منها غـدا ثلثيـن قلبـي خرايـب

مرباعهـا بيـن العيـون الشقيـه ..
. ومقيضها بيـن الجـروح العطايـب

ما اقول يذبـح زينهـا بـس هيـه .
.. تلفت لها قلب عـن الحـب تايـب

ولا اقول مغـروره ولا هـي خليـه .
.. فيهـا دلـع طفـل تبنـاه شايـب

جمـال نجـد وفتـنـة حايلـيـه ..
. وش جمـع الثنتيـن فيهـا عجايـب

اليا اقبلـت بيـن احسنـات وسيـه .
.. ياكثر ذنبي بين طيـب وغصايـب

واليا ادبـرت فـي دمعتيـن نديـه .
.. قلب معاها وقلب في الصدر ذايـب

راح العمر ما بيـن روحـه وجيـه .
.. ياكثـر غلطاتـي ولانـي بهايـب

شب الجمر مـادام الاشـواق حيـه ..
. وطف العتب والعمر ضحك ونصايب

[شبيہ الريح]

حمـــد السعيـد

ترى الذبايح و اهلها ماتسليني
انا ادرى ان المرض لايمكن علاجه

ادرى تبى راحتى لا يابعد عينى
حرام ما قصّرت يديك فى حاجه

اخذ وصاتى و امانه لا تبكيني
لو كان لك خاطرٍ ماودى ازعاجه

ابيك فى يديك تشهدنى و تسقيني
امانتك لا يجي جسمي بثلاجه

لف الكفن فى يديك و ضف رجليني
ما غيرك احدٍ كشف حسناه و احراجه

ابيك بالخير تذكرنى و تطريني
يجيرنى خالقى من نار وهاجه

سامح على اللى جرى ما بينك و بيني
ايام نمشي عدل و ايام منعاجه

همى اعيالى و انا اللى فيّ كافيني
علمهم الدين تفسيره و منهاجه



من القــائل ؟

[وش السالفة]

الشاعرة عــــــابرة سبيـــــل...... رحمة الله عليها
حزنتني قصة مرضها الله يرحمها

**************
هامتـي تعـلا عــن نفـوسـن iiرديــه
الـبـس ثـيـاب الطـهـارة iiواتبـاهـى


والـرذيـلـة مـاتـدنـس بــــه iiيــديــه
والشرف تاجن على الهامه زهاها


طعنـتـك والله عـلـى نفـسـي iiقـويـه
صابـت القلـب الرهيّـف iiواحتواهـا


والـخـطـيـه مـااقـابـلـهـا iiبـخـطـيــه
شامـخـه نفـسـي وهــذا مسـتـواهـا


كنـت عنـدي شــي ماالـقـى سمـيـه
كـنـت لـلـروح التباشـيـر iiوهـنـاهـا


والنـوايـا مــن بـعـد مـاهـي iiخفـيـه
اتضـح وجـه الحقيقـه فـي iiسنـاهـا


مابقـى مــن تـالـي الـذكـرى iiبقـيـه
من بعد كشف الستار اللي iiغشاها


ولاتحسب النفس من دونـك شقيـه
عـافـت النـفـس الزكـيـه iiمبتـغـاهـا

من القائــل؟؟

[شبيہ الريح]

أشواق السعودية


الأماكِن كِلَّها مِشتاقه لك
والعيون الَّلي إنرسم فيها خيالك
والحنين الَّلي سرا بروحي وجالك
ماهو بس انا حبيبي
الأماكِن كِلَّها مِشتاقه لك
كلِّ شي حولي يذكَّرني بشي
حتَّى صوتي وضحكتي لك فيها شي
لو تغيب الدَّنيا عمرك ماتغيب
شوف حالي آه من تطري علَّي
الأماكِن كِلَّها مشتاقه لك
* * * * * *
المِشاعر في غيابك ذاب فيها كلِّ صوت
والِّليالي مِن عذابك عذَّبت فيني السكوت
وصرت خايف لاتجيني
لحظه يذبل فيها قلبي وكلِّ أوراقي تموت
وآه لو تدري حبيبي
كيف أيامي بدونك تِسرق العمر وتفوت
وآه الأمان وين الأمان
وأنا قلبي من رحلت ماعرف طعم الأمان
ليه كل ماجيت اسأل هالمكان
أسمع الماضي يقول
ماهو بس أنا حبيبي
الأماكِن كِلَّها مِشتاقه لك
* * * * * *
الأماكِن الَّلي مريت إنتَ فيها
عايشه بروحي وأبيها
بس لكن مالقيتك
جيت قبلِ العِطر يبرد
قبلِ حتَّى يذوب في صمتي الكلام
وأحتريتك
كِنت أظن الرَّيح جابت عِطرك
يسلِّم علَّي
كِنت أظن الشَّوق جابك
تِجلس بجنبي شوي
كِنت أظن وكِنت أظن
وخاب ظنَّي
ومابقى بالعمر شي
وأحتريتك
الأماكِن كِلَّها مِشتاقه لك

من القــائل ؟؟

سهل مررررررره

ولا تقولون القصبي

[كويتي]

صالح الشادي قصيده الاماااكن

يسلمو على الموضوع

ألمـحـك وأصـد وأنسـى إني لمحـتـك



بس فجأه..صـاحبي تطـري iiعليّه

كنت أكابـر وأتجاهـل لا iiسمعتك



والصـحيح يـزيد الشـوق فـيّه

بأعذب حروف القصايد لا وصفتك



قلت لأهل الشعر ..جيبوا لي حليّه

صـاحبي دوّرت أنا عـنـك وشـفـتـك ii



بيـن قلبي وبيـن عيـن iiأجـوديه

كنت أحـاول فيك لين إني فهمتك



فـارق يا صـاح عن كل البـريّه

بإسـمك الـورد يتشكل لانطقتك



مـا تشكل مـن حـروفٍ iiأبجديّه

قلبي أغلى شي عندي هو وهبتك



وأدري إنك صاحبي..صنت iiالهديّه

مايطـولونك وأنا يا صاح iiطلتك



وأتباهـا بك..على كـل iiالرعـيّه

بس أغـار من القصايد لا iiكتبتك



صـاحبي هـذي ترا كل القضيّه

[وش السالفة]

للشاعر سعـــــــــــود الفــــــــــــهد

الهميني ياالمشاعر بالشعـر معنـى جميـل
علميني كيف أكون وكيـف اصيـر وابتـدى
كيف اسافر في عيونك في الزمان المستحيل
كيف تضوين الطريق لناظري وكيف اهتـدي
اسمحيلي يالغرام العـف يالطيـف البخيـل
لو تركت القلب ينبض في يدينك فـي يـدي
كيف الاقي في محيط الظهر لي ظـل ظليـل
كيف احبك أكثر أكثر واتقـي طعـن المـدي
انزفيني كل لحظة همس اكثـر مـن قليـل
وصدري في روض روحي يالغـرام ووردي
اشتياقي لو عرفنـي يافـرح فجـري ثقيـل
وردي في فياض شوقـي مثـل وردة وردي
صرت اسير الشوق غصب خافقي شد الرحيل
رحت لبحور بعيدة رحـت ادور عـن غـدي
مبسمك لا من لمحتـه كنـه لبـارق يخيـل
ولو وصفت وماوصفت احس انـى ببتـدي

[شبيہ الريح]

الشمس غابت وكلن دور سراجه
والشوق جمر ما أحر الشوق لا جمر
دام اتجاهك شمال مودعك حاجه
سلم على حايل وسلم على شمر
قدامك الخافق اللي ينشد علاجه
كنه معلق على برزان ومسمر
وانت تعرف يا بعد حيي من تواجه
بيضان الأفعال لا من الزمن سمر
إن ضاقوا أعنف من البحر ومن أمواجه
وإن راقوا أركد من الخرمان لا عمر
كم صيت بيت عتق في الباب مزلاجه
وكم شيخ أماره قبل تعيينه مؤمر
كم حاتمي تكفى فلة حجاجه
وشلون للضيف لو عن ساعده شمر
وإن مر تاريخ هم متلبس تاجه
كم عاشق كيَّف وكم حاسد زمر
في جو أغلى على الردلي إلى داجه
من ديرة السادس ومن ديرة معمر
كنه إلى أهدى له البراق ثجاجه
طلت غرير ضحك ومن الخجل حمر
توارثوا حرثه وتمتير ديباجه
ركابة الجيب من ركابة الظمر
الود إلى غرس بدري صعب مخراجه
والله ولا ألَّذ وأحلى منه لا ثمر
ادخل على اللي تطوف البيت حجاجه
من ناقص عند مدح الغير يتذمر
والمدح لو كان في الرديان عصاجه
ويقال عمر بلد بالعون ما عمر
والذم لو زاد في الطيب تولاجه
أحرق ولا أغرق ولا عمَّر ولا دمر
ما نيب متحسب بشعري على حاجه
إلا إني أروح ما غنيت في شمر

من القــائل ؟

[اعلى من نجوم الثريا محلي]

لناصر القحطاني

لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد



فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد